Ni shampiyona yateguwe n’Ishyirahamwe ry’Umukino w’Amagare mu Rwanda (FERWACY) ikaba mu gihe cy’iminsi ibiri, cyane ko yari yarasubitswe kuko yari kuzakinwa muri Kamena.

Abakinnyi barushanwe mu cyiciro cy’abagabo, abatarengeje imyaka 23 na ‘juniors’ [ingimbi zitarengeje imyaka 18]. Hari kandi n’icyiciro cy’abagore (abakuru n’abatarengeje imyaka 18).

Umunsi wa mbere wabereye mu muhanda uturuka Batsinda mu Karere ka Gasabo, bagakatira Marega bakongera bakajya gusoreza Batsinda byanganaga n’ibilometero 24.

Mugisha Moïse ukinira Benediction ni we wahagurutse nyuma kuri uyu munsi ariko akoresha ibihe bito bingana n’iminota 29 n’amasegonda 49, arusha iminota ibiri Tuyizere Etienne.

Mu bagore bakuze ni Ingabire Diane wakinaga ku giti cye yegukanye isiganwa riheruka yanikiriye bagenzi be akoresheje iminota 36 n’amasegonda atandatu arusha ine Irakoze Neza Violette wa Kamera Cycling Club.

Mu bangavu n’ingimbi Umutoni Sandrine na Nshutiraguma Kevin bitwaye neza.

Isiganwa rizakomeza gukinwa ku Cyumweru aho abakinnyi bazahagurukira i Shyorongi bakinira hamwe (Road Race) bagasoreza Batsinda ku ntera y’ibilometero 133.

Ingabire Diane amenyereye amasiganwa y'amagare

Mugisha Moïse arashaka kwisubiza Shampiyona y'Amagare aheruka gutwara mu mwaka ushize

Hakoreshejwe umuhanda uva Batsinda werekeza Marega ureshya n'ibilometero 12

Abagore ni bo batangiye gusiganwa mbere

Abakinnyi bose bakoraga intera y'ibilometero 24

Areruya Joseseph ari mu bakinnyi bahatanye kuri uyu munsi

Abakinnyi bari biteguye guhatanira Shampiyona y'u Rwanda

Umunsi ukurikiyeho abakinnyi bazagendera hamwe (Road Race)

Ingabire Diane yahise abandi ku munsi wa mbere mu bagore

Isiganwa ryabereye mu Karere ka Gasabo