Alexander Kristoff yegukanye agace ka mbere ka Tour de France karanzwe n’impanuka nyinshi

Yanditswe na Eric Tony Ukurikiyimfura
Kuya 29 Kanama 2020 saa 10:59
Yasuwe :
0 0

Umunya-Norvège Alexander Kristoff ukinira UAE-Team Emirates, yegukanye agace ka mbere ka Tour de France 2020, kakiniwe mu Mujyi wa Nice kuri uyu wa Gatandatu, akoresheje amasaha ane, iminota 46 n’amasegonda 23.

Alexander Kristoff w’imyaka 33 yatsinze nyuma yo gukoresha imbaraga nyinshi agatanga abandi ku murongo, mu gihe mu bilometero bya nyuma habayeho kugwa kw’abakinnyi benshi.

Agace ka mbere ka Tour de France y’uyu mwaka yabanje kwigizwa inyuma hafi ukwezi kose kubera icyorezo cya Coronavirus, kareshyaga n’ibilometero 156, karanzwe n’impanuka kubera imvura yaguye igatuma imihanda inyerera.

Miguel Ángel López ukinira Astana yasohotse mu muhanda ariko akomeza gusiganwa mu gihe n’abandi barimo Nairo Quintana na Pavel Sivakov wa Team Ineos waguye inshuro ebyiri, bari mu batorohewe n’imihanda y’i Nice.

Egam Bernal wa Ineos, wanatwaye isiganwa riheruka, yasoreje mu gikundi hamwe n’abandi mu gihe Umufaransa Julian Alaphilippe yaguye kimwe na mugenzi we Thibaut Pinot - uri mu bahabwa amahirwe uyu mwaka - wasoje imyambaro ye yacitse nyuma yo kugwa hasi.

Gusa bitewe n’impanuka (kugwa) yabereye mu bilometero bitatu bya nyuma, yahawe ibihe bimwe n’ibyo abo bari kumwe bagize ari nabyo byakoreshejwe na Alexander Kristoff.

Tour de France izakomeza ku Cyumweru hakinwa agace ka kabiri, kazava i Nice kerekeza i Sisteron, kareshya n’ibilometero 186, karimo imisozi myinshi irimo ibiri ifite ubutumburuke bwa metero 1500.

Abakinnyi 10 ba mbere nyuma y’agace ka mbere ka Tour de France 2020

  1. Alexander Kristoff (Nor/UAE-Team Emirates) 3h46’23’’
  2. Mads Pedersen (Den/Trek-Segafredo) bafite ibihe bimwe
  3. Cees Bol (Ned/Sunweb)
  4. Sam Bennett (Ire/Deceuninck-Quick Step)
  5. Peter Sagan (Slo/Bora-Hansgrohe)
  6. Elia Viviani (Ita/Cofidis)
  7. Giacomo Nizzolo (Ita/NTT)
  8. Bryan Coquard (Fra/B&B)
  9. Anthony Turgis (Fra/Total Direct Energie)
  10. Jasper Stuyen (Bel/Trek-Segafredo)

Urutonde rusange nyuma y’agace ka mbere

  1. Alexander Kristoff (Nor/UAE-Team Emirates) 3h 46’23’’
  2. Mads Pedersen (Den/Trek-Segafredo) +4secs
  3. Cees Bol (Ned/Sunweb) +6secs
  4. Sam Bennett (Ire/Deceuninck-Quick Step) +10secs
  5. Peter Sagan (Slo/Bora-Hansgrohe)
  6. Elia Viviani (Ita/Cofidis)
  7. Giacomo Nizzolo (Ita/NTT)
  8. Bryan Coquard (Fra/B&B)
  9. Anthony Turgis (Fra/Total Direct Energie)
  10. Jasper Stuyen (Bel/Trek-Segafredo)
Tour de France 2020 yatangiye kuri uyu wa Gatandatu, isiganwa rizenguruka i Nice
Imvura nyinshi yaguye i Nice yatumye imihanda inyerera
Umufaransa Thibaut Pinot na Marc Hirschi ukinira Sunweb bicaye hasi nyuma yo kugwa
Thibaut Pinot uri mu bahabwa amahirwe uyu mwaka, yasoje imyenda yamucikiyeho kubera impanuka yakoze
Alexander Kristoff yatanze abandi ku murongo nyuma yo gukoresha imbaraga nyinshi
Umunya-Norvège Alexander Kristoff ukinira UAE-Team Emirates yahise yambara umwenda w'umuhondo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .