Iki gikorwa cyabereye mu Majyepfo y’Igihugu mu gace kitwa Wenchang. Chang-Zheng 5B ifite moteri icumi ndetse ireshya na metero 53.7 n’umubyimba wa metero eshanu. Ni nini kurusha Ariane 6 iri hafi koherezwa n’ibihugu by’u Burayi kuko yo ishobora gutwara toni 21,6.

Kuri uyu wa Gatanu nibwo Chang-Zheng 5B, izagaruka ku Isi aho izagwa mu Burasirazuba bw’u Bushinwa.

Ibi biri muri gahunda u Bushinwa bufite ko mu 2022 buzaba bwamaze kubaka mu isanzure station ishobora kugenzura ibyogajuru, umushinga witwa Tiangong-3. Mu 2021 nibwo u Bushinwa buzatangira kohereza mu kirere ibikoresho byo kubaka iyo station.

Iyi rocket u Bushinwa bwohereje mu kirere, izafasha kandi mu mushinga wa Chang’e 5 wo kugera ku kwezi mu mpera za 2020. U Bushinwa kandi buri kwiga uburyo bwatangira kugerageza amahirwe yo kugera ku mubumbe wa Mars.

Leta Zunze Ubumwe za Amerika nicyo gihugu cyonyine kugeza ubu cyabashije kohereza abantu ku kwezi.