00:00:00 IGIHE NETWORK KN KINYARWANDA EN ENGLISH FR FRANCAIS

Ibyo wamenya kuri Boeing Starliner, icyogajuru kizoroshya ingendo zijya n’iziva mu isanzure

Yanditswe na Nshuti Hamza
Kuya 6 June 2024 saa 08:24
Yasuwe :

Ku wa 5 Kamena 2024, icyogajuru cyiswe “Boeing Starliner” cyoherejwe bwa mbere mu isanzure gitwaye abashakashatsi babiri b’Ikigo cy’Abanyamerika gishinzwe iby’Isanzure, NASA.

Butch Wilmore na Suni Williams ni bo bakigiyemo, mu igerageza rya nyuma ryitezweho kwemeza niba gifite ubushobozi bwo kuzajya gikura abantu ku Isi kikabajyana kuri site ikorerwaho ubushakashatsi mu Isanzure izwi nka “International Space Station (ISS)”, cyangwa kigacyura abariyo.

Iri gerageza rya nyuma nirigenda neza, Boeing Starliner irahita yemererwa gukora ingendo zihoraho zijya n’iziva mu isanzure, hafi y’Isi cyangwa kuri ISS.

NASA isobanura ko iri ari igerageza rya kabiri Boeing ikoze ryerekeza kuri ISS, rikaba n’irya gatatu muri rusange.

Icyakora ni ubwa mbere igerageza rikozwe harimo abantu.

Muri iryo gerageza rizamara icyumweru, Boeing Starliner yoherejwe iturutse ku kigo gihagurukiraho ibyogajuru kiri muri Leta ya Florida.

Biteganyijwe ko icyo cyogajuru kizagaruka nyuma y’icyumweru, kikagwa mu Majyepfo ashyira Uburengerazuba bwa Leta zunze Ubumwe za Amerika.

Boeing Starliner yakozwe ku bufatanye bwa sosiyete ebyiri z’Abanyamerika, zirimo Boeing na United Launch Alliance, zombi zifite amazina akomeye mu gukora ibyifashishwa mu bwikorezi bwo mu kirere.

Ni umushinga watewe inkunga n’ishami rya NASA rishinzwe iby’ubucuruzi, bibarwa ko ufite agaciro ka miliyari 1.5$.

Boeing Starliner yitezweho koroshya ingendo zijya n'iziva mu isanzure

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .