Facebook yavuguruye uburyo abantu baganira hifashishijwe amashusho

Yanditswe na Umwali Zhuri
Kuya 28 Mata 2020 saa 01:51
Yasuwe :
0 0

Facebook ikunda kwagura ibikorwa byayo igendeye ku byo izindi mbuga zihanganye zinengwa cyangwa se zidafite. Ubu yavuguruye uburyo bwayo abantu bashobora kuganira hifashishijwe amashusho igendeye ku binengwa urubuga rwa Zoom.

Magingo aya, Facebook yakoze porogaramu nshya yo kuganira hifashishijwe amashusho igendeye ku yitwa Messenger yari isanzweho. Ubu uburyo bushya Facebook bwitwa Messenger Rooms.

Buzafasha nibura abantu 50 kuba bagirana inama mu buryo bw’amashusho, hatabayeho kugena igihe icyo kiganiro kigomba kumara. Ubusanzwe nka Zoom, ifite ubushobozi bwo guhurirwaho n’abantu 100 ariko ntibemerewe kumara iminota irenze 40 muri icyo kiganiro.

Abakoresha Facebook bashobora gutumira abantu kuri Messenger Rooms nubwo bo baba batagira konti za Facebook.

Ubu buryo Facebook irateganya no kubushyira ku zindi mbuga nkoranyambaga zayo nka WhatsApp na Instagram.

Facebook yavuguruye uburyo abantu baganira hifashishijwe amashusho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .