00:00:00 IGIHE NETWORK KN KINYARWANDA EN ENGLISH FR FRANCAIS

Toyota Land Cruiser V8 zabuze ku isoko

Yanditswe na Mugisha Christian
Kuya 21 January 2022 saa 02:17
Yasuwe :

Uruganda rukomeye ku Isi rukora imodoka ruzwi nka Toyota, rwamenyesheje abatumije imodoka zo mu bwoko bwa Toyota Land Cruiser V8 bo mu Buyapani, bazategereza imyaka igera kuri itanu kugira ngo imodoka batumije zibagereho.

Toyota yatangaje ko kubura ku isoko kw’imodoka za Land Cruiser V8 ntaho bihuriye no kubura kw’ibyuma byifashishwa mu gukora imodoka cyangwa se ingaruka z’icyorezo cya Coronavirus.

Icyakora, uru ruganda rwatangaje ko ruri gukora ibishoboka byose kugira ngo rurebe ko imodoka zatumijwe zaboneka mbere y’iyo myaka ine cyangwa itanu.

Umwaka ushize Toyota yari yatangaje ko igiye kugabanya ingano y’imodoka ikora ku mwaka kubera kubura kw’ibikoresho byifashishwa mu gukora imodoka.

Iyi modoka yo mu bwoko bwa Toyota Land Cruiser V8 igura 84.757$ ahwanye na miliyoni zisaga 88 Frw.

Toyota yatangijwe na Kiichiro Toyoda ku itariki ya 28 kanama 1937. Imodoka ya Toyota Land Cruiser yagiye bwa mbere ku isoko mu 1951, ni nayo modoka ya mbere igurishwa cyane n’uru ruganda rwa Toyota.

Kugeza mu 2019, Toyota yari imaze kugurisha imodoka zisaga miliyoni icumi zo mu bwoko bwa Land Cruiser

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .