Izina ‘LignoSat’ rifitanye isano n’ijambo ry’Ikilatini ‘lignum’’ risobanura igiti.

Iyi satellite yohererejwe mu Isanzure mu cyanya cya Kennedy Space Center muri Leta ya Florida, kuri rocket ya Spacex. Ipima amagarama 900.

Amakuru ahari agaragaza ko yamaze kugugera kuri sitasiyo mpuzamahanga y’ibyogajuru, ISS, aho biteganyijwe ko izakomeza kujya kure mu Isanzure mu ntera ya kilometero 400 uvuye ku Isi.

Umwarimu muri Kaminuza ya Kyoto mu ishami rijyanye n’umubenyi bw’amashyamba, Prof. Koji Murata, yavuze ko igiti kiramba mu Isanzure kuko nta mazi cyangwa umwuka bituma cyangirika cyangwa ngo bigitwike.

Ati “Mu ntangiriro z’ikinyejana cya 20 indege zakorwaga mu biti, bityo no gukora satellite mu biti bikwiye gushoboka.”

LignoSat izamara amezi atandatu mu Isanzure, aho izafasha mu gukora ubushakashatsi ku kuntu igiti gishobora kubaho iyo kure haba ubukonje n’ubushyuhe bukabije.

Umushakashatsi ku bikorwa byo mu Isanzure muri kaminuza ya Kyoto, Takao Doi, yavuze ko “Nitumara kumenya ko iyi satellite ikoze mu giti ikora neza, dushaka kugeza igitekerezo kuri SpaceX ya Elon Musk.”

Bivugwa ko Doi n’itsinda rye bafite icyerekezo cy’imyaka 50 cyo gutera ibiti no kubaka amazu akozwe mu biti ku Kwezi no kuri Mars.

Abakoze ku mushinga wa LignoSat bavuga ko satellite ikoze mu biti igira ingaruka nke ku bidukikije, kuko mu gihe cyo kugaruka ku butaka bidahumanya ikirere ugereranyije n’ibikorwa n’izikoze mu byuma biba byaka umuriro.

Iki cyogajuru kizamara amezi atandatu kizenguruka mu Isanzure

Iki cyogajuru gipima amagarama 900

Izina ‘LignoSat’ rifitanye isano n’ijambo ry’Ikilatini ‘lignum’’ risobanura igiti

Abakoze ku mushinga wa LignoSat bavuga ko satellite ikoze mu biti igira ingaruka nke ku bidukikije