00:00:00 IGIHE NETWORK KN KINYARWANDA EN ENGLISH FR FRANCAIS

Virtual Reality ikomeje gukora ibara; impanuka zayo zararumbutse

Yanditswe na Zigiranyirazo Bajecteur
Kuya 23 Gashyantare 2022 saa 07:35
Yasuwe :

Isi ikomeje gutera imbere mu mfuruka hafi ya zose byagera mu bijyanye n’ikoranabuhanga bikaba akarusho, by’umwihariko iryerekeye amashusho.

Kuri ubu hari uburyo bwo kuba abantu bashobora kwambara ibimeze nk’amadarubindi manini bikabafasha gutemberezwa aho bashaka hose ku isi nk’abahibereye nubwo ibigo by’ubwishingizi bivuga ko iri koranabuhanga rikomeje guteza ibyago byinshi mu ngo.

Ubu buryo bw’ikoranabuhanga ryo kwambara amadarubindi manini afasha mu kureba ibintu usa n’aho ubireba imbonankubone, Virtual Reality, buri kugenda burushaho guteza ibyago n’impanuka nyinshi.

Nko mu Bwongereza, impanuka zabyo zarazamutse ku mpuzandengo irenga 30% mu mwaka umwe, mu gihe mu myaka itanu ishize zazamutse ku kigero cya 70%.

Mu gihe umuntu ari kurebera filimi muri aya madarubindi y’ikoranabuhanga, hari ubwo bajya gukubita umuntu nk’igipfunsi akikanga nk’aho ari we kigiye guterwa ku buryo ashobora no gushiduka akubise umutwe ku gikuta.

Hari nubwo umuntu ashiduka akubise icyo gipfunsi mugenzi we kubera kuryoherwa n’ibyo areba.

Hari ubwo biba bisa n’ibisekeje ariko ku rundi ruhande biteye inkeke nyinshi kuko aya madarubindi ari kurushaho kugurwa busuka.

Umwaka ushize haguzwe abarirwa muri miliyoni 11 ndetse iyi mibare ishobora kujya yikuba inshuro 10 buri mwaka kugeza mu 2025.

Impuguke mu buzima nazo zatangiye guterwa impungenge n’iri koranabuhanga aho nk’ubushakashatsi bwakorewe muri Kaminuza ya Oregon, bwagaragaje ko gukoresha aya madarubindi inshuro nyinshi bishobora guhungabanya imikaya ndetse n’amagufwa y’umuntu.

Kubera ko imiterere y’aya madarubindi aba ameze nka “casques”, hari abo zitera ibikomere n’ububabare aho bayambarira cyangwa abandi bakababara mu bitugu no mu irugu kuko aba aremereye.

Ibindi bibazo bishobora guterwa no gukoresha cyane iri koranabuhanga harimo kuba byatera umuntu kuva imyuna, kugira umunaniro mu maso no kudahuza ku ijisho ry’iburyo n’iry’ibumoso ku kintu umuntu ashatse guhanga amaso.

Hatangwa inama ko hakorwa amadarubindi ataremereye kandi hakitabwa ku buryo amashusho ayagaragariramo atangiza amaso.

Virtual Reality ni ikoranabuhanga rigezweho rituma umuntu areba amashusho y'ikintu runaka nk'aho yibereye aho kiri kubera

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .