Telefoni ya Galaxy S23 Ultra yagiye ku isoko ifite camera ya megapixel 200, ndetse irambya umuriro ugereranyije n’izindi zo muri ubu bwoko zabanje. Ifite ububiko bwa GB 256.

S23 Ultra izatangira kujya ku isoko ku wa 17 Gashyantare aho igiciro cyayo ari 1.199$ angana n’uko S22 yagurishwaga mu mwaka ushize.

Galaxy S23 na S23 Plus zombi zigiye kumera kimwe na S23 Ultra. Imiterere ya Camera ni imwe ndetse zasohotse mu mabara amwe.

Ugereranyije na S22 zazibanjirije, S23 igiciro cyayo ni 799$ mu gihe S23 Plus yashyizwe kuri 999$.

Mudasobwa ya Galaxy Book3 Ultra yo ifite processeur ya Intel Core i7 n’iya i9. Ni nto cyane, ibintu bituma uyifite ayitwara neza.

Igiciro cya Galaxy Book3 Ultra gihera ku 2.399$ gusa ntabwo itariki izagira ku isoko iratangazwa.

Book3 Pro iri mu byiciro bibiri kuko imwe ireshya na santimetero 35 indi na santimetero 40. Ni mu gihe Book3 Pro 360 yo ireshya na santimetero 40.

Book3 Pro igiciro cyayo ni 1.449$ mu gihe Book3 Pro ari 1.899$.

Samsung S23 Ultra ifite camera ya megapixel 200

Uhereye ibumoso ujya iburyo: Galaxy S23 Ultra, S23 Plus na S23

Galaxy Book3 Ultra ni imwe muri mudasobwa nto zigezweho

Galaxy Book Pro 360 ni uku iba imeze iyo umuntu ayikunje