WhatsApp yazanye uburyo bushya butuma ntawe ushyirwa muri ‘Group’ atabishaka

Yanditswe na Ferdinand Maniraguha
Kuya 8 Ugushyingo 2019 saa 10:57
Yasuwe :
0 0

Sosiyete ya Facebook yazanye uburyo bushya bwo kuri WhatsApp buzafasha abantu benshi binubiraga kubyuka bagasanga bashyizwe mu matsinda ya Whatsapp batabishaka.

Uburyo bushya bwongewe kuri WhatsApp buzajya bukorana n’ibikoresho by’ikoranabuhanga bikoresha Android na iOS, aho umuntu ari we uzajya atanga uburenganzira mbere yo gushyirwa mu itsinda runaka.

Kugira ngo bikunde, ukoresha WhatsApp ajya ahanditse Settings, agakanda ahanditse Account > Privacy > Groups hanyuma akabona ahanditse utuntu dutatu aritwo “Everyone,” “My Contacts,” cyangwa “My Contacts Except…”

Mu gihe uhisemo ahanditse “My Contacts” uzaba wemeje ko umwe mu bantu bari muri telefone yawe afite uburenganzira bwo kugushyira mu rindi tsinda (group) rya WhatsApp . Nuhitamo ahanditse “My Contacts Except” uhita ujya ahandi haguha uburyo bwo kuba waha undi muntu utari mu bari muri telefone yawe, uburenganzira bwo kuba yagushyira mu rindi tsinda rya WhatsApp.

Mu gihe umuntu ashatse kugushyira mu itsinda runaka bikanga, hazajya haza uburyo akoherereza ubutumwa bugusaba kwemera akagushyira muri iryo tsinda. Mu gihe bakwandikitye bagusaba gutanga uburenganzira ukinjizwa mu itsinda rishya, uzajya uba ufite iminsi itatu yo gusubiza.

WhatsApp yatangaje ko ubu buryo bwatangiye gukoreshwa guhera kuri uyu wa Kane tariki 7 Ugushyingo mu bice bimwe na bimwe ku isi, aho bitaragera bikazahagera mu minsi iri imbere.

Uru rubuga nkoranyambaga rw’umuherwe, Mark Zuckerberg rukoreshwa n’abasaga miliyari 1.5 ku isi hose.

Sosiyete ya Facebook yazanye uburyo bushya bwo kuri WhatsApp buzafasha abantu benshi binubiraga kubyuka bagasanga bashyizwe mu matsinda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza