Porogaramu ishajisha abantu yaciye ibintu ku mbuga nkoranyambaga

Yanditswe na Muvunyi Arsène
Kuya 17 Nyakanga 2019 saa 12:42
Yasuwe :
0 0

Ku mbuga nkoranyambaga hari gucicikana amafoto y’abantu batandukanye abagaragaza uko bazaba basa bamaze gusaza.

Ni amafoto yabo asanzwe ahindurwa na porogaramu yo muri telefone za android yitwa Face App.

Umuntu ufite amatsiko yo kumenya uko azaba asa mu masaziro ye, afungura iyi porogaramu iboneka kuri play store ku buntu ubundi, agashyiramo ifoto y’ubu agahitamo ko isura ihinduka nk’iy’umuntu ushaje.

Ifoto iza iba irimo isura ya nyirayo ariko afite iminkanyari mu maso, n’imvi mu mutwe no mu bwanwa.

Ayo mafoto ari gukwirakwiza cyane ku mbuga nkoranyambaga cyane cyane Twitter na Instagram.

Ibyamare hirya no hino ku isi birimo gukwirakwiza amafoto nk’ayo. No mu Rwanda byatangiye gukorwa n’ibyamamare birimo nk’umuhanzi Jules Sentore, umunyamakuru Nkusi Arthur, Miss Akiwacu Colombe n’abandi.

Face App yatangiye mu 2017, ifite uburyo bwo guhindura amafoto y’abantu, yongera ubwiza, igabanya imyaka, guhindura imisatsi, gushyira ibishushanyo ku mubiri [tattoo] n’ibindi byinshi.

Ni porogaramu yakozwe na sosiyete yo mu Bushinwa, Wireless Lab.

Miss Akiwacu Colombe na we yifashishije Face App, agaragaza ifoto ye igihe azaba ashaje
Ifoto igaragaza amasaziro y'umunyamakuru Antoinette Niyongira wa Kiss FM
Nyina wa Diamond n'umugabo we ubwo bazaba bafite imyaka 80
Umuhanzi Jules Sentore ni uko yaje asa nyuma yo gukoresha Face App
Umuhanzi wo muri Amerika Jason Derulo yasangije abamukurikira ku mbuga nkoranyambaga ifoto ye ubwo azaba ashaje
Umunyamakuru Nkusi Arthur na we yifashishije Face App akora ifoto y'uburyo azaba asa namara gusaza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza