Amashusho yashyizwe kuri X, agaragaramo imodoka ya Tesla Model Y isohoka mu ruganda rwa Tesla ruherereye ahitwa Austin, igatambuka ku muhanda munini (highway), igaca mu midugudu yegereye imijyi no mu gace gatuwemo z’abantu, kugeza igeze ku nyubako y’uwayiguze.

Elon Musk yari yasezeranyije ko iryo gerageza rizaba ku wa 28 Kamena. Ariko kuri uyu wa Gatanu, yatangaje ko babigezeho umunsi umwe mbere y’igihe.

Ati “Nta muntu wari mu modoka, nta n’uwari uri kuyigenzura hifashishijwe ikoranabuhanga rya kure. Yari imodoka yigenzura yonyine. Dushingiye ku byo tuzi, ni bwo bwa mbere imodoka yitwaye ku muhanda rusange nta muntu uyirimo kandi nta n’uyikurikirana akoresheje ikoranabuhanga.”

Bimwe mu byo Elon Musk yavuze si ukuri kuko Sosiyete yitwa Waymo (yahoze yitwa Google Self-Driving Car Project) ifite imodoka zitwara harimo abagenzi, kandi hashize umwaka bikorwa. Izo modoka zikora mu mijyi ya Phoenix, San Francisco na Los Angeles, gusa zitwara abakozi b’iyo sosiyete.

World's first autonomous delivery of a car!

This Tesla drove itself from Gigafactory Texas to its new owner's home 30min away — crossing parking lots, highways & the city to reach its new owner pic.twitter.com/WFSIaEU6Oq

— Tesla (@Tesla) June 28, 2025