Imibare y’ibanga 10 yoroshye gutahurwa yakoreshejwe cyane mu 2020

Yanditswe na IGIHE
Kuya 23 Ugushyingo 2020 saa 12:52
Yasuwe :
0 0

Ikigo gifasha abantu gukora imibare y’ibanga no kuyicunga cya ‘NordPass’ cyashyize hanze urutonde rw’iyo abantu benshi bagiye bakoresha mu mwaka wa 2020 ariko ikaba yakorohera uwashaka kuyitahura ngo yinjire mu mabanga yabo.

Amagambo menshi agaragara kuri uru rutonde yari yagaragaye no k’urwakozwe mu 2019. Hari aho usanga nk’umuntu yakoresheje ijambo ry’ibanga rya ‘Password’ kandi abenshi mu binjira mu ikoranabuhanga ry’abandi baramaze kumenya ko riri mu akoreshwa cyane.

Imibare n’amagambo yibanga yakoreshejwe cyane ni 123456, 123456789, picture1, password, 12345678, 111111, 123123, 12345, 1234567890, senha, 1234567, qwerty, abc123, Million2, 000000, 1234, iloveyou, aaron431, password1, qqww1122.

Iyi mibare y’ibanga yaje ku rutonde rw’iyoroshye gutahurwa kubera ko ikoreshwa kenshi n’abantu batandukanye. NordPass igaragaza ko ku babizobereye kubasha gutahura iyi mibare bitajya munsi y’amasegonda 30, uruhije ari wo wa ‘Picture1’ bikaba byafata amasaha atatu.

NordPass.com igira abantu inama yo gukoresha imibare y’ibanga nibura itari munsi y’inyuguti cyangwa imibare 12 kandi bakagerageza kuvanga inyuguti nkuru n’into ndetse n’ibimenyetso.

Ikindi abantu bakwiye kwitaho ni ukugerageza guhindira imibare y’ibanga nibura nyuma y’iminsi 90 kandi ntibakoreshe umubare w’ibanga umwe kuri konti zitandukanye.

Imwe mu mibare y'ibanga yaroshye gutahurwa yakoreshejwe mu 2020

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .