00:00:00 IGIHE NETWORK KN KINYARWANDA EN ENGLISH FR FRANCAIS

Icyogajuru ‘Orion’ cyaciye agahigo ko kwegera cyane ukwezi

Yanditswe na IGIHE
Kuya 6 Ukuboza 2022 saa 09:20
Yasuwe :

Icyogajuru cy’Abanyamerika ‘Orion’ kuri uyu wa Mbere tariki 6 Ukuboza 2022, cyaciye agahigo ko kwegera cyane ukwezi nyuma y’iminsi 20 kimaze mu isanzure, gitanga icyizere muri gahunda yo gusubira ku kwezi iki gihugu gifite izwi nka ‘Artemis’.

Iki cyogajuru cyageze ku ntera ya kilometero 130 hafi y’ukwezi, kiba icya mbere kikwegereye cyane. Ni urugendo rwajemo kirogoya y’iminota 30 ubwo itumanaho ryavagaho bitewe n’aho icyogajuru cyari kigeze.

Ikigo cy’u Burayi cyakoze moteri 33 zitanga ingufu zikoreshwa na Orion ku kwezi, cyakuyeho moteri y’ingenzi y’iki cyogajuru bitangira urugendo rwacyo rwo kugaruka ku Isi.

Biteganyijwe ko ku Cyumweru tariki 11 Ukuboza 2022 ari bwo icyogajuru Orion kizagera ku Isi kikagwa mu Nyanja ya Pacifique, aho kizakurwa n’ubwato bw’igisirikare cya Leta Zunze Ubumwe za Amerika.

Artemis ni gahunda y’Ikigo cya Amerika gishinzwe ibijyanye n’isanzure igamije gusubiza umuntu ku kwezi kuva mu 1972 ubwo iki gihugu giherukayo muri gahunda cyise ‘Apollo 17’.

Ku wa Gatatu tariki 16 Ugushyingo 2022, nibwo NASA yohereje mu isanzure icyogajuru cya mbere ‘Orion’ biteganyijwe ko kizakoreshwa muri iyi gahunda.

Mu nshingano za mbere iki cyogajuru cyahagurikiye i Florida gifite harimo kureba ko ibyuma gikozemo bishobora kwihanganira ubushyuhe bukabije buri hafi y’izuba, kuzenguruka mu kirere cy’ukwezi kugira ngo kirusheho kumenya imiterere yako no kumenya ko ikoranabuhanga mu by’itumanaho gifite rikora neza.

Icyogajuru ‘Orion’ cyaciye agahigo ko kwegera cyane ukwezi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .