00:00:00 IGIHE NETWORK KN KINYARWANDA EN ENGLISH FR FRANCAIS

Drones za Zipline zemerewe gukorera muri Côte d’Ivoire

Yanditswe na IGIHE
Kuya 8 January 2023 saa 06:08
Yasuwe :

Ikigo gishinzwe indege za gisivile muri Côte d’Ivoire cyemereye indege zitagira abapilote (drones) za Zipline gukorera muri icyo gihugu.

Zipline imaze imyaka itandatu ikorera mu Rwanda, yiteguye gutangira gutanga serivisi zo kugeza ibikoresho byo kwa muganga n’imiti mu mavuriro atandukanye muri Côte d’Ivoire hagamijwe gutabara ubuzima bw’abarwayi.

Ni serivisi icyo kigo gifitemo ubunararibonye nyuma yo kubugeragereza mu Rwanda bigakunda, ubu ikaba igeze ku rwego rwo gutwara n’ibindi bintu bisanzwe ibigeza ku babikeneye mu bice bitandukanye by’igihugu.

Biteganyijwe ko Zipline izubaka ibigo bine hirya no hino muri Côte d’Ivoire, aho drones zayo zizajya zihagurukira zijyana ibikoresho mu mavuriro atandukanye y’icyo gihugu.

Umuyobozi wa Zipline muri Côte d’Ivoire, Donpedro Yamisi, yavuze ko nyuma yo gukorana na Minisiteri y’Ubuzima muri icyo gihugu, bifuza kuzakomereza serivisi zabo mu bijyanye n’ubuhinzi n’ubworozi, batwara imiti y’amatungo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .