Ntiwumve ko telefoni, iPad cyangwa mudasobwa yawe ifite ikibazo niba utarabona izi mpinduka kuko izi ‘operating system’ zashyizwe hanze zitwa ‘developer beta’ zisohoka mbere y’izigenerwa abakoresha ibikoresho by’ikoranabuhanga bya Apple bose.
‘Developer Beta’ ishyirwa hanze ariko igakoreshwa gusa n’abakora iyo ‘operating system’ runaka mu rwego rwo kureba niba hari ibindi bibazo ifite cyangwa aho idakora neza kugira ngo yongere ivugururwe.
Iyo iyi yashyizwe hanze, nyuma hakurikiraho iyitwa ‘Beta’ irimo nka Beta iOS 18.1 cyangwa iPadOS 18.1.
Iyi iba igenewe abaturage bose, ariko nabo aba ari ukuyisuzuma, bakamenyesha sosiyete ibyo babona byahinduka, nyuma na nyuma hakabona gusohoka ya yindi twese tubona muri telefoni bisanzwe nka iOS 18, cyangwa iPadOS 18 n’izindi.
Zimwe mu mpinduka zazanye na ‘Developer Beta’ ni uko Siri izajya isubiza umuntu mu buryo busanzwe nk’abari kuganira bitandukanye nk’uko byari bimeze.
Hari kandi ubundi buryo bwo gusubiza byihuse cyangwa mu ncamake ubutumwa bwa ‘mail’, gukoresha ururimi runaka mu gukora ishakisha, kohereza ubutumwa hifashishijwe uburyo bwa RCS n’ibindi.
Bloomberg yatangaje ko Apple ikomeje gushyira imbaraga nyinshi mu kuvugurura Siri ku buryo mu 2025 izaba yatangiye gukora neza mu buryo bushya.
Aya mavugurura mashya azakirwa na telefoni za iPhone 15 Pro na iPhone 15 Pro Max ndetse na iPad cyangwa mudasobwa za Mac zifite processor ya ‘Apple Silicon’.
Nyuma y’uko hamuritswe izi ‘operating system’ za ‘Developer Beta’ mu ntangiriro z’iki cyumeru, biteganyijwe ko izindi za ‘Beta’ zigenewe abaturage muri rusange na zo zizasohorwa vuba nyuma noneho hashyirwe hanze izisanzwe zikoreshwa, biteganyijwe ko zishobora kuzazanana na telefoni za iPhone 16.

TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!