Apple na Google zigiye gukora porogaramu ya telefoni yifashishwa mu gutahura uwanduye Coronavirus

Yanditswe na IGIHE
Kuya 13 Mata 2020 saa 12:44
Yasuwe :
0 0

Ibigo bikomeye mu ikoranabuhanga ku Isi, Apple na Google, byatangaje ubufatanye mu gukora porogaramu ya telefoni izajya yifashisha Bluetooth ikabasha kugaragaza umuntu wanduye Coronavirus.

Iyo porogaramu izajya ifasha umuntu uyifite muri telefoni kumenya ko hafi ye hari umuntu wanduye Coronavirus.

Iyi porogaramu izajya hanze muri Gicurasi yaba kuri Android ya Google na IOS ya Apple ku buryo umuntu yayimanura akayishyira muri telefoni ye, izajya ikora bishingiye kuri Bluetooth.

Abayobozi b’izi sosiyete zombi batangaje ko ishobora kugira uruhare runini mu kugabanya ubwandu bwa Coronavirus ndetse ko izakora itagiye gushyira umwirondoro w’abantu ku karubanda.

Ikoranabuhanga nk’iri si ubwa mbere ryaba ryifashishijwe kuko muri Koreya y’Epfo ryatumye umubare w’ubwandu bwa Coronavirus ugabanuka. Ryatumaga umuntu wanduye Coronavirus, abari iruhande rwe bahita babimenya kuri telefoni zabo bakamugendera kure. Ni uburyo bwatumye iki gihugu kitibasirwa cyane nk’uko ahandi ku Isi byagenze.

Apple na Google, sosiyete ebyiri zikomeye mu ikoranabuhanga zigiye gukora ikoranabuhanga rizifashishwa mu gutahura abanduye Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .