GenZero yasinyanye amasezerano na Rwanda Green Fund agamije gushyigikira imishinga igamije gukumira ihindagurika ry’ibihe nk’uko bikubiye mu masezerano ya Paris mu ngingo ya gatandatu.

Iyo ngingo isobanura ko kugira ngo ibihugu bigere ku ntego byiyemeje yo guhangana n’imihindagurikire y’ibihe, bigomba gushora imari nko mu gutera amashyamba, gukoresha ingufu zisubira n’ibindi, ibyo bigakorwa binyuze mu bufatanye hagati yabyo.

Ku wa Kane, Umuyobozi Mukuru wa GenZero, Frederick Teo, yatangaje ko bagiye gusesengura imishinga ya Rwanda Green Fund na REMA kugira ngo barebe uburyo bw’imikoranire buhamye.

Yavuze ko iyo mishinga ikwiriye kuba yatanga ibisubizo mu buryo bwa karemano cyangwa se ikaba yatanga ibisubizo hifashishijwe ikoranabuhanga, atanga urugero nko kubyaza umusaruro imyanda n’ibindi.

GenZero igiye gushora imari mu mishinga igamije kurengera ibidukikije mu Rwanda