00:00:00 IGIHE NETWORK KN KINYARWANDA EN ENGLISH FR FRANCAIS

Ambasaderi wa Israel mu Rwanda yasuye Pariki ya Nyandungu

Yanditswe na Mukahirwa Diane
Kuya 25 Ukwakira 2021 saa 08:58
Yasuwe :
0 0

Ambasaderi wa Israel mu Rwanda, Dr Ron Adam ari kumwe n’Umuyobozi Mukuru wa REMA, Kabera Juliet, basuye Pariki y’Ubukerarugendo bubungabunga Ibidukikije ya Nyandungu.

Iyi pariki yashyizwe mu gishanga giherereye mu Mirenge ya Ndera mu Karere ka Gasabo na Nyarugunga muri Kicukiro, ubu cyaravuguruwe gihindurwa ahantu nyaburanga ho gusura.

Mu 2015 ni bwo hatekerejwe umushinga wo guhindura iki gishanga no kukigarurira ubuzima kikitwa Pariki y’Ubukerarugendo bubungabunga Ibidukikije ndetse imirimo yo kugitunganya yatangiye mu 2016.

Ni umushinga wakozwe n’Ishami ry’Umuryango w’Abibumbye rishinzwe Ibidukikije [UNEP], Leta y’u Butaliyani n’Ikigega cy’Igihugu gitera inkunga imishinga ibungabunga Ibidukikije, Fonerwa, ushyirwa mu bikorwa na REMA.

Muri iyi pariki harimo ibikorwa bitandukanye byo gusura birimo ubusitani bwashyizwemo ibimera n’imiti ya Kinyarwanda, mu biyaga hazashyirwamo amafi ashobora kwifashishwa ku biga kuroba, utuyira twa siporo tureshya n’ibilometero 10 tuzajya twifashishwa n’abanyamaguru n’abafite amagare muri siporo, ibice bireberwamo inyoni n’izindi nyamaswa.

Hari kandi n’ ibiyaga bihangano biri ku buso bwa metero kare ziri hagati ya 4393 na 5892 mu gihe amazi abirimo aturuka mu gishanga cya Nyandungu.

Aha hashyizwe n’igice cyo kubungabunga amateka ahari ubusitani bwiswe ‘Pope’s Garden’ buzaba bugaragaza aho Mutagatifu Papa Yohani Pawulo II yasomeye Misa asura u Rwanda.

Iyi pariki izajya ibasha kwakira imodoka 100 icyarimwe kuko ifite parking ebyiri ziri kuri metero kare 2500.

Abinyuje ku rukuta rwe rwa twitter Ambasaderi Ron Adam, yavuze ko we na Kabera Juliet babashije gusura Pariki y’Ubukerarugendo bubungabunga Ibidukikije ya Nyandungu.

Bitegenyijwe ko umushinga wo gutunganya igishanga cya Nyandungu kikavamo pariki uzuzura utwaye miliyari 5.2 Frw ukaba witezweho kuzinjiza miliyari y’amafaranga y’u Rwanda y’inyungu mu myaka 12.

Inkuru bifitanye isano:

Nyandungu yabaye nshya: Igishanga cyarasazuwe, kigiye gukoreshwa nka pariki yo gutembereramo

I Kigali, mu bwiza bwa Nyandungu ahari kurimbishirizwa abifuza kuruhuka (Video)

Ambasaderi wa Israel mu Rwanda, Dr Ron Adam ari kumwe n’ Umuyobozi Mukuru wa REMA, Kabera Juliet basuye Pariki y’Ubukerarugendo bubungabunga Ibidukikije ya Nyandungu
Umushinga wo gutunga igishanga cya Nyandungu kikavamo Pariki uzuzra utwaye miliyari 5,2 Frw. Biteganyijwe ko uzinjiza miliyari y’amafaranga y’u Rwanda y’inyungu mu myaka 12
Muri iyi pariki harimo ibiyaga bihangano
Ahubatse Pariki y'Ubukerarugendo bubungabunga ibidukikije ya Nyandungu hahoze igishanga cyibasirwaga n'imyuzure

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .