00:00:00 IGIHE NETWORK KN KINYARWANDA EN ENGLISH FR FRANCAIS

Uburyo bugezweho bwo kwisiga "makeup" ku bakunda gusa neza (Amafoto na Video)

Yanditswe na Mukahirwa Diane
Kuya 1 Gicurasi 2021 saa 10:36
Yasuwe :
0 0

Buri wese yifuza gusa neza no kugaragara neza, ariko biraharanirwa kuko si ibintu byizana. Bimwe mu bituma usa neza harimo kwambara bishamaje ndetse no kwisiga ‘makeup’ bamwe bajya bita ibirungo by’ubwiza.

Makeup ikundwa cyane n’igitsina gore, ariko n’abagabo barayikoresha kuko hari byinshi yongera ku isura bituma uyikoresheje arushaho gusa neza.

Hari benshi bifuza gusa neza ariko bakabura aho bamenera kuko badafite ubumenyi mu bijyanye na ’makeup’. Gusa kubyiga ntibisaba ibihambaye kuko wanifashisha amashusho ukabyiga ukabimenya.

Mu kiganiro na Kenneth umaze kwamamara mu gusiga ibirungo by’ubwiza nka Trendy Shadow, yagaragaje ukuntu buri wese ashobora kwisiga ’makeup’ arebeye ku mashusho akazabimenya.

Ati “Ubundi niba ushaka kujya wisiga ’makeup’, ugomba kubanza kugura ibikoresho by’ibanze, iyo ubifite ushobora kujya ku muntu akakwigisha cyangwa ukabyigira kuri YouTube. Icyo gihe ibyo bakoze uko ubisubiramo niko ubimenya cyane.”

Yakomeje avuga ko kwisiga ’makeup’ bifite ikintu kinini byongera ku gusa neza k’umuntu, ari yo mpamvu uwifuza gukomeza gusa neza aba akwiye kubiharira umwanya.

Ati “Makeup ifite ikintu kinini cyane yongera kuko uruhu rurushaho gusa neza iyo warusize, hari ubwo usiga amaso usanzwe ugira mato akaba manini akaba n’umweru bitewe n’ibyo wasizeho. Muri rusange makeup igira ikintu kinini yongera ku buryo umuntu asa.”

’Makeup’ ibamo amoko atandukanye bitewe n’aho umuntu agiye n’icyo agiye gukora.

Mu mashusho, Trendy Shadow yerekana uburyo wakwisiga "makeup" ukajya ku kazi, mu bukwe, gutembera n’ahandi hantu hatandukanye usa na bicye.

Mu kwisiga ’makeup’, icy’ibanze ugomba kwitaho ni ibikoresho ndetse n’isuku yabyo. Mbere ya byose ubanza koga mu maso warangiza ugasigaho amavuta yabugenewe atuma ya "makeup" itinjira mu ruhu imbere.

Iyo umaze kuyasigaho ukurikizaho gukora ibitsike n’amaso, usigaho ’tiro’ ituma mu maso harushaho kugaragara neza, hejuru y’amaso usigaho ’mascara’ zituma amaso asa n’ayabaye manini ndetse akanarushaho kuba umweru.

Ikindi cy’ibanze ni ukwisiga neza ku ruhu aho ukoresha ’fond de teint’ cyangwa ’face powder’, ariko biba byiza kubivanga kuko bituma uruhu rworoha kandi rukumuka. Ibi byose iyo ubisoje usiga iminwa "lipstick" kugira ngo itumagara.

Mu kiganiro na Trendy Shadow, uramenya byinshi kuri Kenneth ndetse unarebe birambuye uburyo "makeup" ikorwa bikaryohera amaso.

Wicikanwa n’iki kiganiro kiri hasi:

Mbere yo kwisiga cyangwa kugira uwo usiga ubanza kumwambika umwambaro wabugenewe kugira ngo imyenda ye itandura
Ku ruhu ubanza gusigaho amavuta ya Primer atuma bya birungo by'ubwiza bitinjira imbere mu mubiri
Nyuma yo gusiga uruhu ukurikizaho gutunganya ibitsike byaba ari byinshi bakabigabanyaho
Nyuma yo gutunganya ibitsike hakurikiraho gusigaho tiro
Umaze gushyiraho tiro ushyiraho consur ituma ibitsike bisa neza cyane
Nyuma yo kwisiga consur wisiga mascra ushyira hejuru y'amaso bigatuma urushaho kureba neza
Iyo wamaze gukora ibyerekeye amaso hakurikiraho uruhu. Ubanzaho foundation ituma rusa neza igahisha n'ibintu bibi byaba biruriho
Nyuma ya foundation ushyiraho poudre kugira ngo ugire uruhu rwumutse neza
Iyo uruhu rwarangiye ukurikizaho gusiga iminwa labello cyangwa Brillant a lèvres bitewe n'icyo ukunda kugira ngo ugire iminwa yoroshye
Trendy Shadow ari mu bagezweho mu gusiga ibirungo by'ubwiza
Trendy Shadow asobanura uko igikorwa cyo gusiga ibirungo by'ubwiza kigenda. Aha yari kumwe na Muhoza Magnifique
Isura y'uwasizwe yahindutse. Urabona ko hari icyahindutse ku bwiza bwe
Iyo ibitsike bikoze neza umuntu arushaho gusa neza
Kimwe mu bituma urushaho kureba neza no kugira amaso meza ni ibirungo usiga hejuru yayo
Kunogereza poudre ukoresha uburoso bwabugenewe
Kwisiga ku munwa urigengesera kugira ngo ibyo ukoresha bitajya mu menyo
Muhoza Magnifique mbere yo gusigwa ibirungo by'ubwiza yari afite n'akanyamuneza
Mbere yo kwisiga ibirungo by'ubwiza ubanza koga neza mu maso amavuta wari wisize agashiraho
Mu kwisiga foundation ugeza no ku ijosi kugira ngo utaza kugira amabara atandukanye
Muhoza akanyamuneza ni kose uko iminota yicuma kuko ari kurushaho gusa neza
Trendy Shadow amaze kumenyekana mu gusiga ibyamamare bitandukanye ibirungo by'ubwiza
Ushobora kwisiga makeup nk'iyi ugiye kwifotoza
Usibye ibirungo by'ubwiza, ushobora no kurimba bitewe n'ibyo ushaka kwifotozanya
Uwasizwe yatunguwe no kubona uko yahindutse nyuma yo gushyirwaho 'makeup'
Hari ubwoko butandukanye bwo kwirimbisha hakoreshejwe ibirungo by'ubwiza, bakakongereraho n'imitako ngo niba ugiye kwifotoza amafoto yawe aze akeye kurushaho
Ibi birungo wabijyana ahantu hatandukanye kandi ukaba uberewe

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .