Imyambarire idasanzwe yaranze ibirori bya Kigali Fashion Week (Amafoto)

Yanditswe na Munyengabe Murungi Sabin
Kuya 25 Kamena 2016 saa 12:28
Yasuwe :
0 0

Ibirori ngarukamwaka by’imideli “Kigali Fashion Week”, byongeye kubera mu Mujyi wa Kigali, byatangiye tariki ya 18 Kamena bisozwa mu muhango ukomeye wabereye kuri Century Park Hotel kuwa 24 Kamena 2016.

Ni ku nshuro ya Gatandatu ibirori bya Kigali Fashion Week bibaye nyuma y’ibyabaye mu myaka itanu ishize bikagaragaza intera ikomeye abanyamideli bo mu Rwanda bamaze kugeraho ugereranyije n’abo mu bindi bihugu.

Ibirori byo gusoza Kigali Fashion Week byitabiriwe n’abanyamideli babarirwa muri 60 baturutse mu bihugu 12 byo ku Mugabane wa Afurika n’u Burayi.

I Kigali hari hateraniye abahanzi b’imideli bamaze kubaka izina muri uyu mwuga barimo Sheena Frida C wo muri Kenya, Winnie Godi wo muri Sudani y’Epfo, Jamil Walji wo muri Kenya, An Buermans wo mu Bubiligi, Charity na Irene Businge bo muri Uganda n’abandi.

Mu bihugu byari bihagarariwe muri ibi birori harimo Uganda, Kenya, Leta Zunze Ubumwe za Amerika, Sudani y’Epfo, u Bushinwa, u Buyapani, Afurika y’Epfo, Rwanda, Ghana,u Burundi, Repubulika Iharanira Demokarasi ya Congo n’u Buhinde.

Abahanzi b’imideli berekanye ibihangano byabo muri iri joro, buri wese yari yakoze iyo bwabaga ngo yiyerekane ko ageze ku rwego rufatika. Imideli yose yerekanwe yarimo ubuhanga n’udushya ndetse benshi mu biyerekanye bavuze ko byazamuye urwego rwabo.

Umunyakenyakazi werekana imideli akanayihanga, Sheena Frida C yabwiye IGIHE ko ku nshuro ya kabiri aje mu Rwanda yanyuzwe n’uko abitabiriye Kigali Fashion Week banyuzwe n’ibihangano bye akora muri Fashion Development Consortium ikorera i Nairobi.

Yavuze ko yahisemo kugaruka kugira ngo yongere inyungu n’umusaruro yavanye i Kigali mu mwaka ushize.

Yagize ati “Ni ubwa kabiri ngarutse hano, ubushize nari mpari, nkiva hano nagiye mbona amahirwe menshi nkesha kuba naritabiriye Kigali Fashion Week. Iyo ntagaruka byari kumbera igihombo.”

Winnie Godi wo muri Sudani y’Epfo yerekanye imideli ahanga mu nzu y’imideli yise ‘Winnie G Fashion’. Yavuze ko urugendo rwe i Kigali rwamufashije kwagura amarembo y’ibyo akora bizwi cyane cyane n’abatuye mu Mujyi wa Juba.

Umunyamideli Judith Hard Kantengwa wo muri Uganda, ari mu berekanye imideli yahanzwe na Turahirwa Moise washinze ‘Moshions House’. Uyu ni umwe mu bishimiwe cyane ndetse na we yigaragaje nk’umuhanga mu byo kwerekana imideli.

Kabagema umaze imyaka 30 amurika imideli na Franco wazamuwe na KFW
Uru rukweto rwemeje benshi
Imideli yahanzwe n'uwitwa Jamil Walji wo muri Kenya
Jamil Walji wo muri Kenya n'abamufashije kumurika imideli
Abanyamideli bo mu Rwanda bafashije Jamil Walji
Uyu yiyerekanye mu mideli izwi cyane mu Buhinde
Ange Karigirwa yiyerekanye
Jamil Walji ysihimiye uko imideli ye yakiriwe
Ibirori byitabiriwe bishimishije
Ibirori byabereye i Nyarutarama kuri Century Park
Yerekanaga imideli yo mu Buhinde
Lynca Amanda Kaneza, uheruka gutsindira igihembo cy’umurika imideli uhiga abandi mu Rwanda
Umunyamideli Jay D yiyerekana mu mwambaro wo gusohokana, yambitswe na Delphine Fashion House
N'abanyamahanga biyerekanye mu myambaro bambitswe na Delphine Fashion House
Lynca Kaneza mu mwambaro wo gusohokana, wakozwe na Delphine Fashion House
Ishusho ngari yabambitswe na Delphine Fashion House
Yambaye imyenda yerekana ko yishimiye kuba 'Umunyarwanda'
Judith Heard Kantengwa
Uyu yerekanaga imyenda yahanzwe na Turahirwa muri Moshon House
Umunyanijeriya Johni Wuuki
Abanyamideli bafashije Turahirwa kwerekana ibihangano by'imideli bishya
Bafashe ifoto y'urwibutso nyuma y'ibirori

Amafoto: Mahoro Luqman


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .