I Kigali hateguwe ibirori byo kwerekana imideli yo mu Bubiligi

Yanditswe na Munyengabe Murungi Sabin
Kuya 22 Kamena 2016 saa 02:05
Yasuwe :
0 0

Umubiligikazi witwa An Buermans yateguye igikorwa cyo kwerekana no kugurisha imideli y’Abanyaburayi by’umwihariko iyo akorera iwabo mu Mujyi wa Antwerp.

Umuhanzi w’imideli ukomeye mu Bubiligi, An Buermans yaje i Kigali mu ntangiriro z’iki cyumweru aho agomba gukorera ibikorwa bitandukanye byo kwamamaza no kumenyekanisha imideli ahanga mu nzu yitwa ‘A.N Buermans Fashion House’.

Mu Kiganiro na IGIHE, An Buermans yavuze ko aje mu Rwanda ku nshuro ya kabiri, yahaherukaga muri 2015 ubwo yari aje kuherekanira imideli muri Kigali Fashion Week.

Ni umwe mu bagomba kwerekana imideli mu cyumweru cyahariwe imideli i Kigali, gusa ngo yifuje kuhava na we akoze igikorwa cyagutse cyerekana ubuhanzi bwe akora nk’akazi gahoraho.

Yagize ati “Ni inshuro ya kabiri nje hano, mu by’ukuri navuga ko nahageze umwaka ushize ngahita nkunda uburyo abashyitsi bakirwa. Uhereye ku kibuga cy’indege kugeza ugeze muri hoteli wakiranwa urugwiro [...] Narabikunze cyane, nshaka kubibyaza umusaruro.”

An Buermans afatanyije na mugenzi we bavanye mu Bubiligi, bateguye igikorwa cyo kwerekana imideli cyitwa ‘The Show Room’, kizaba kuwa Gatandatu tariki ya 25 Kamena 2016.

Ati “Mu mwaka ushize nerekanye ibyo nkora ariko abo twahuriraga muri Kigali Fashion Weeek bambazaga uko bagura ibintu byanjye nkabura igisubizo mbaha. Muri The Show Room bazabibona n’amaso, hazaba hari n’amahirwe yo kubigura ku bakunda imideli.”

Buermans yavuze ko mu migambi yagutse afite yifuza kuzashinga iduka ry’imideli mu Mujyi wa Kigali ndetse ngo yifuza kugirana ubufatanye burambye n’abari mu mwuga w’imideli mu Rwanda.

An Buermans na mugenzi we bagiye kumirika imideli bakorera mu Bubiligi

Ati “Ndabyifuza, ndumva nazakorera hano, ndifuza kubikora nibigenda neza.” Avuga ko iki gikorwa yagitewemo inkunga na Ambasaderi w’u Bubiligi mu Rwanda ukunda gutera inkunga ibirori by’imideli.

Iki gikorwa bise ‘The Show Room’ kizabera mu Mujyi wa Kigali kuri Impact Hub mu Kiyovu guhera saa cyenda z’amanywa kugeza saa kumi n’ebyiri z’umugoroba.

Imideli bakora muri A.N Buermans....

Mugenzi wa Buermans bafatanya mu guhanga imideli

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .