Ambara uberwe! Imyenda 10 abasore bakwambara muri iki gihe cy’impeshyi

Yanditswe na Nsengiyumva Emmy
Kuya 9 Nyakanga 2020 saa 09:44
Yasuwe :
0 0

Impeshyi yageze, benshi mu banyamujyi bakunze kurimba batangiye kubika imyambaro bari bamaze iminsi bambara ijyanye n’igihe cy’ubukonje kimwe n’imvura, ari nako batekereza ku myambaro bashobora kwifashisha muri iki gihe cy’ubushyuhe.

Abahanga mu kurimba, basobanura neza ko kwambara neza, bijyana n’ibihe kandi n’aho umuntu agiye. Niba umuntu agiye mu nama, ntabwo agomba kwambara nk’ugiye mu musangiro n’inshuti cyangwa se kuruhuka. Ibi ni yo mpamvu habaho umwambaro wagenewe ikintu runaka, ku buryo utabona uwambaye ingozi ari muri siporo.

Mu mico itandukanye, impeshyi ifatwa nk’igihe cy’ibiruhuko, aho abantu bafata akanya, bakajya ku mazi n’ahandi, bakumva akayaga bashyira ubwenge ku gihe.

No ku banyarwanda ni uko bimeze, aho usanga akenshi mu mpera z’icyumweru, bifashisha uyu mwanya, bagatembera mu bice nyaburanga bitatse u Rwanda.

Iraguha Prosper ni umucuruzi w’imyenda mu Mujyi wa Kigali, asobanura ko muri ibi bihe, benshi mu banyamujyi, bamugana bashaka imyenda yo gutemberana mu mpera z’icyumweru.

Mu myenda umuntu ashobora kwambara muri ibi bihe, iyo yajyana gutembera no kuruhura umubiri nko mu mpera z’icyumweru cyangwa iyo yakwirirwana mu rugo.

Ingero z’imyenda y’abagabo wakwambara muri ibi bihe

Mu mpeshyi umuntu ashobora kwambara ikabutura n’inkweto zifunguye. Ibyiza ni uko ari ikabutura igomba kujyana n’ishati byenda guhuza amabara kandi byose bikaba bifite umubiri woroshye kugira ngo ubyambaye adashyuhirwa
Kwambara ipantaro ifite imifuka ku ruhande bitandukanye no kwambara ikoboyi, iyi wayambaraho ishati yoroheje ariko ukitondera uburyo uhuza amabara. Uyu ni umwambaro watemberana ukaba wanawujyana ku kazi mu mpera z’icyumweru
Iyi ni itiriningi n’umupira umuntu ashobora kwambara mu mpera z’icyumweru agiye gutembera ahantu hatandukanye, ushobora no kuba wayijyana mu mirimo bitewe n’akazi ukora ariko cyane cyane mu mpera z’icyumweru
Ku bakunzi bo kurimba bazi neza icyo imyenda ya Gucci isobanuye, ikabutura ndetse n’agashati kayo kimwe n’amasogosi yayo byose byoroshye ni bimwe mu byakwifashishwa ku muntu ukeneye gutembera yarimbye
Mu gihe cy’impeshyi abantu bakunze kuba bari mu rugo igihe batakoze kuko baba banga gukora ingendo zo ku zuba, ariko n’iyo uri mu rugo usabwa kuba waberewe ku buryo n’umushyitsi wakiriye abona ko usa neza. Ikabutura n’isengeri ni imyambaro ijyanye n’iyi gahunda
Kuba ari ibihe by’impeshyi ntibihagarika gahunda z’akazi, bivuze ko ushobora kwambara kandi ukaberwa ariko udashyuhiwe, ushobora kwambara ikoboyi ukarenzaho agashati k’amaboko magufi ariko koroshye
Iyi kabutura n'ijire iciye amaboko ni umwambaro ugezweho abagabo cyangwa abasore bashobora gutemberana
Ikabutura n’isengeri ni umwenda wakwambara uri mu rugo
Ikabutura, ishati n’agapira imbere byambawe ku nkweto zifunze ni bimwe mu bishobora kwifashishwa muri iki gihe cy’impeshyi ku muntu wasohokanye n’inshuti mu masaha y’umugoroba
Ushobora kwakwambara ikoboyi nziza ugashyiraho ishati nayo bijyanye ariko ifite umubiri woroshye hanyuma ukajya ku kazi uberewe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .