Umunyarwandakazi yafunguye inzu itanga serivisi z’ubwiza mu Bubiligi

Yanditswe na Karirima A. Ngarambe
Kuya 20 Ugushyingo 2019 saa 05:23
Yasuwe :
0 0

Uwitonze Blandine ni umwe mu banyarwandakazi bakataje mu bikorwa bibyara inyungu, bitanga akazi kandi bikishyura n’imisoro iteza imbere aho batuye, ndetse nta wakwirengagiza ko ibikorwa byabo binazanira inyungu igihugu cyababyaye.

Uwitonze ni Umubyeyi w’umwana umwe w’ubatse utuye mu mu karere gaherereye ahitwa "Flandre Occidental", akarere gafite ubukungu buri hejuru y’utundi turere tugize u Bubiligi, kakaba kari no ku Nyanja ya Ruguru (Mer du Nord).

Uyu mugore avuga ko iyo urebye uko mu Rwanda abikorera bagenda batera imbere mu kwihangira imirimo, wifuza kugendana nabo nubwo waba uri hanze y’igihugu. Avuga ko umuhate wo kurushaho kwikorera wiyongereye ubwo yitabiraga Rwanda Day i Bonn mu Budage, akumva ubutumwa bwa Perezida Kagame.

Ati "Nk’umugore rero nkaba narasanze nakora ibikorwa bijyanye n’ubwiza kuko abagore dukunda gusohoka dukeye kandi kubigeraho birahenda, niyo mpamvu nafunguye iyi nzu Vavavoom izajya icururizwamo imisatsi myiza ivuye mu Buhinde kandi imisatsi nyamisatsi tuba twahawe mu nsengero n’abantu bafite myinshi bakayitangaho impano."

"Twe icyo dukora ni ukuyitunganya igacishwa mu byuma byabigenewe kugirango igezwe ku isoko ari nta makemwa. Iyi nzu nafunguye kandi izaba ihuriro ry’abantu baje gukorerwa isuku ibijyanye n’umubiri, bahabwa inama amavuta abereye umubiri wabo, gushyirirwaho inzara bifuza z’ubwoko butandukanye n’ibindi."

Uwitonze avuga ko iki gikorwa cye mu minsi iri imbere ateganya no kugifungura mu Rwanda, mu Bufaransa n’ahandi.

Vavavoom ni inzu iherereye mu mujyi wa Bruxelles muri Komine ya Ixelles, aho bita Matonge. Ni ahantu hakorerwa n’abanyafurika benshi n’abandi banyamahanga baturuka hirya no hino ku Isi, bikahagira ihuriro rikomeye ry’ibicuruzwa.

Matonge ubu imaze kugirwamo ibikorwa bitandukanye n’Abanyarwanda, hari abahafite amaduka, resitora, amagaraji, inzu zikora ibijyanye n’amafaranga nka Rwandacash/Africash, inzu zikora iby’ubwikorezi n’ibindi.

Abanyarwanda batuye mu Bubiligi muri rusange usanga ari abakozi mu buryo bushimishije, mu kwihangira imirimo kuko kubona akazi bishoboka ariko bigoye.

Usanga abari hagati y’imyaka 25 na 50 abenshi bakorera ba rwiyemezamirimo b’abanyarwanda, ibintu bishimisha kubibona. Iyi myaka kugirango ubabone uhengera ikiruhuko cyo ku wa Gatandatu naho ubundi bose baba bari mu bikorwa byo kwiteza imbere.

Ibi ubuyobozi bw’aho batuye burabibakundira cyane kuko usanga abanyarwanda bashimwa na bose, kuko bavuga ko ari abakozi cyane kandi bo kwizerwa.

Uwitonze yahanze inzu izajya itanga serivisi z'ubwiza
Aka gace kabamo ibikorwa byinshi by'ubucuruzi bw'abanyarwanda
Vavavoom izajya ifasha cyane abakeneye serivisi z'imisatsi
Uwitonze avuga ijambo ashimira abitabiriye ifungurwa ry'iyi nzu
Umujyi wa Matonge uherereyemo iyi nzu n'ibikorwa by'abanyamahanga batandukanye mu Bubiligi
Uwitonze Blandine ubwo yafunguraga ku mugaragaro inzu yise Vavavoom ikora ibijyanye n'ubwiza i Bruxelles mu Bubiligi tariki ya 16 Ugushyingo 2019

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .