U Bubiligi: Byinshi kuri Sesonga umaze kwandika izina mu bucuruzi bw’imodoka (Video)

Yanditswe na Karirima A. Ngarambe
Kuya 19 Kanama 2019 saa 02:26
Yasuwe :
0 0

Sesonga Samuel ni rwiyemezamirimo umaze imyaka icumi aba mu Bubiligi. Yatangiye afasha abo mu muryango we baba mu Rwanda kugura imodoka no kuzibagezaho mu buryo bworoshye.

Sesonga yatekereje gufata serivisi yahaga umuryango we arayagura, ayigira ishoramari rishobora kumubyarira inyungu. Yatangiye ubucuruzi bw’imodoka by’umwuga, ashaka ibyangombwa n’uburenganzira bwo gukora.

Uyu Munyarwanda yihangiye umurimo abinyujije muri Sosiyete yashinze yise ‘SAM 4’ ifasha Abanyarwanda gutumiza imodoka ku Mugabane w’u Burayi no kuziha ibyangombwa byo gukorera mu bice bitandukanye.

Sesonga atuye mu nkengero z’Umujyi wa Liège mu gihe sosiyete ye ikorera hafi y’Ikibuga Mpuzamahanga cy’Indege gikomeye mu Bubiligi cya Zaventem giherereye mu nkengero z’Umurwa Mukuru Bruxelles.

Mu kiganiro yagiranye na IGIHE yavuze ko ishoramari ry’imodoka akora arihuza no gutanga serivisi zirimo izo gusuzuma ubuziranenge bw’ibinyabiziga (contrôle technique) ku binyabiziga byo mu Bubiligi.

Iyi serivisi ikenerwa na benshi kuko abahatuye batabona umwanya wo gukoresha imodoka isuzuma ry’ubuziranenge, bakiyambaza ababigize umwuga.

Iyi serivisi itangwa ku modoka zirengeje imyaka ine, ntigenewe abo mu Bubiligi gusa ahubwo n’Abanyarwanda bashobora kuyifashisha mu gihe babengutse imodoka kuri internet.

Yagize ati “N’umuntu mu Rwanda ashobora kubona imodoka kuri internet, akadusaba kumurebera ko ari nzima. Hariho abatekamutwe bashyira imodoka kuri internet bakabwira umuntu ngo ohereza amafaranga, rimwe na rimwe wa muntu akabura imodoka n’amafaranga.”

Serivisi y’isuzuma ry’imodoka Sesonga ayitanga abifashijwemo n’uburenganzira yahawe binyuze mu kizwi nka “plaque Z.’’ Ni plaque y’igaraje ashobora gukoresha atwara imodoka cyangwa akayiha indi.

Iyo plaque iyo ishyizwe ku modoka biyemerera kuba yava mu Budage ikajyanwa mu Bubiligi. Iyo uguze imodoka umuntu asigarana plaque ye kuko iba imwanditseho, iyo ayigurishije yambikwa plaque Z kugira ngo ibone uko igenda idakumiriwe.

Sesonga anafasha Abanyarwanda koroherwa no kubona imodoka zivuye i Burayi. Mu Rwanda ahafite sosiyete itanga ubufasha bujyanye no gushakira ibyangombwa imodoka zivuye hanze ikorera muri Magerwa, ikorewamo n’abavandimwe be Rusagara Alexis na Mukasine Marie Grâce.

Ati “Uwatumije imodoka, ashobora kohereza amafaranga, ikamugeraho i Kigali kandi mu buryo bwizewe.’’

Sosiyete ya Sesonga ifite umukozi w’inzobere usuzuma imodoka mbere yo gukora urugendo ruva ku Cyambu cya Dar es Salaam yerekeza i Kigali.

Iyo imodoka yoherejwe, uwayitumije anafashwa kumenya aho igeze mu nzira yose icamo kuva ku Cyambu cya Anvers mu Bubiligi gifite uburenganzira bwo kunyuzwaho imodoka zakoze, zoherezwa muri Afurika.

Imodoka nyinshi zikurwa mu Budage, mu Buholandi, u Bwongereza zikanyuzwa kuri icyo cyambu aho ubwato buhaguruka inshuro ebyiri mu kwezi.

Imodoka ivuye Anvers igera i Dar es Salaam mu byumweru bitatu, mbere yo gusesekara i Kigali nyuma y’iminsi ibiri.

Sesonga Samuel amaze no kumenyekana mu Banyarwanda baba mu bihugu bitandukanye muri Afurika, birimo Congo Brazzaville na Sénégal bamutuma imodoka.

‘SAM 4’ itanga serivisi eshatu zirimo izo kugurira ababyifuza imodoka, gukoresha isuzuma ry’ubuziranenge no gufasha umuntu kujyana imodoka aho yifuza hose mu Bubiigi no mu Burayi akoresheje Plaque Z.

Mu Rwanda itanga serivisi zirimo gukura imodoka na kontineri ku cyambu cya Dar es salaam zigezwa i Kigali no kohereza ibicuruzwa mu mahanga yose. Ikorera mu nyubako ya “Le prestige’’ iri Rwandex iruhande rwa Sitasiyo ya Discentre.

Ushaka ibindi bisobanuro wabaza Sesonga Samuel (0032488 384 832), Rusagara Alexis (00250 788 235 600) na Mukasine Marie Grâce (00250 788 40222).

Rwiyemezamirimo Sesonga aganira n'umunyamakuru wa IGIHE ukorera ku Mugabane w'i Burayi
Mukasine Grâce ari mu bakora mu ishami rya ‘SAM 4’ riri i Kigali aho afasha abatumiza imodoka mu Burayi
Rusagara Alexis uvukana na Sesonga na we barakorana mu bucuruzi bw'imodoka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza