00:00:00 IGIHE NETWORK KN KINYARWANDA EN ENGLISH FR FRANCAIS

U Bubiligi: Abanyamuryango ba FPR Inkotanyi bahuriye mu biganiro mpuzarungano (Amafoto)

Yanditswe na Karirima A. Ngarambe
Kuya 25 Nzeri 2022 saa 07:20
Yasuwe :

Tariki ya 24 Nzeri mu mujyi wa Namur, habereye ikiganiro Mpuzarungano (Conférence Intergénérationnelle) cyateguwe n’abanyamuryango ba FPR Inkotanyi batuye, bakorera cyangwa biga mu Bubiligi.

Ni ibiganiro kandi byatumiwemo bamwe mu batari abanyamuryango mu rwego rwo kungurana ku nsanganyamatsiko igira iti “Amahame n’indangagaciro mu mateka y’Abanyarwanda”.

Iki kiganiro cyatangijwe n’ijambo rya Jack Habimana uyobora Umuryango w’abanyarwanda batuye mu Bubiligi bari muri FPR Inkotanyi, aha ikaze urubyiruko n’ababyeyi bari bitabiriye ibi biganiro, byatangiye saa yine n’igice za mu gitondo.

Ambasaderi w’u Rwanda Dr Dieudonné Sebashongore nk’umunyamuryango kandi akaba anahagarariye u Rwanda mu Bubiligi, ni we watanze ikiganiro cya mbere cyanafunguye iki gikorwa muri rusange.

Yasabye ko urubyiruko gukomeza gukomera ku ndangagaciro z’abanyarwanda, kandi abakangurira gukomeza kuvuga Ikinyarwanda bafatanyije n’ababyeyi.

Musare Faustin, umwe mu banyamuryango ba FPR Inkotanyi waturutse mu Rwanda, mu kiganiro yatanze yagarutse ku gihugu, umuco n’indangagaciro zacyo, imbogamizi zabayeho mu bihe bitandukanye byanahungabanyije indangagaciro z’umuco nyarwanda.

Dr Ndushabandi Eric mu kiganiro yatanze yagarutse cyane kuri Politiki na gahunda mu kwimakaza amahame y’umuryango naho Pulcherie Nyinawase, atanga ikiganiro ku ruhare rw’ababyeyi mu ihererekanyagaciro mu rubyiruko.

Urubyiruko rwahawe umwanya rutanga ibitekerezo, bavuga ku ndangagaciro mu Rwanda rw’uyu munsi ruteye imbere, ‘nicyo urubyiruko rwakora ngo ruzisigasire.

Hodali Jim abajijwe uko yakiriye ikiganiro mpuzarungano, yagize ati “ Birashimishije cyane kuko ikiganiro uru rubyiruko rutanze kirerekana ko ejo habo bahafite mu ntoki, natwe bakuru bikatumara impungenge.”

Ibi biganiro kandi byaranzwe no gufata imyanzuro itandukanye, bisozwa n’ubusabane.

Ambasaderi Dr Dieudonné Sebashongore nk’umunyamuryango kandi akaba anahagarariye u Rwanda mu Bubiligi yatanze ikiganiro
Pulcherie Nyinawase yatanze ikiganiro ku ruhare rw’ababyeyi mu guhererekanya indangagaciro mu rubyiruko
Dr Ndushabandi Eric mu kiganiro yatanze, yagarutse cyane kuri Politiki na gahunda mu kwimakaza amahame y’umuryango
Ernest Sagaga nk’umutumirwa asubiza ibibazo birebana n'uko urubyiruko rwakwirinda ingengabitekerezo ya jenoside
Hagati ni Jack Habimana, uyobora Umuryango w’abanyarwanda batuye mu Bubiligi bari muri FPR Inkotanyi, ari kumwe n'itsinda bafatanyije gutegura ibi biganiro
Hodali Jim ni umwe mu bari abasirikare ku rugamba rwo kubohora igihugu watanze ubuhamya, anashima urubyiruko uko ruri kwitabira ibiganiro nk'ibi n'ibikorwa byo gugasira indangagaciro z'umuco nyarwanda
Musare Faustin, umwe mu banyamuryango ba FPR Inkotanyi waturutse mu Rwanda yagarutse ku Gihugu, umuco n’indangagaciro zacyo n’imbogamizi zabayeho mu bihe bitandukanye
Marie Grace, Pierre na Jasmine nk'urubyiruko batanze ikiganiro ku ndangagaciro mu Rwanda rw’uyu munsi ruteye imbere, n’icyo urubyiruko rwakora ngo ruzisigasire
Rugumire Philbert umwe mu bayoboye ibiganiro
Ambasaderi Sebashongore yasabye abakuru gukomeza gutoza abato gusigasira umuco
Abakiri bato basabwe gukomeza kuba umwe
Urubyiruko rwahawe umwanya muri ibi biganiro, rutanga ibitekerezo
Ambasaderi Sebashongore aganira na bamwe mu bitabiriye
Hatanzwe ibiganiro bitandukanye byose bigamije iterambere ry'u Rwanda
Icyi kiganiro Mpuzarungano (Conférence Intergénérationnelle) cyateguwe n’abanyamuryango ba FPR Inkotanyi batuye, kitabiriwe n'urubyiruko n'abakuru, n’abatari abanyamuryango ba FPR mu rwego rwo kungurana ibitekerezo

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .