Mali: Abanyarwanda n’inshuti zabo bizihije umunsi wo Kwibohora bazirikana Intwari zawitangiye

Yanditswe na Evariste Nsengimana
Kuya 17 Nyakanga 2019 saa 05:55
Yasuwe :
0 0

Abanyarwanda baba muri Mali n’inshuti zabo bahuriye mu birori byo kwizihiza isabukuru y’imyaka 25 ishize u Rwanda rwibohoye, bazirikana ubwitange ingabo zari iza RPF Inkotanyi zagaragaje ku rugamba rwo kubohora igihugu zimwe zikahasiga ubuzima.

Iki gikorwa cyabereye i Bamako muri Mali ku wa 6 Nyakanga 2019.

Uretse Abanyarwanda baba muri iki gihugu n’abaruhagarariye, iki gikorwa cyitabiriwe n’abandi bayobozi biganjemo abo muri Mali barimo Minisitiri w’Itumanaho akaba n’Umuvugizi wa Guverinoma ya Mali, Yaya Sangare; uw’Ubuzima, Michel Hamala Sidibe; uw’Imiyoborere, Boubacar Alpha Bah ndetse n’uw’Ubukerarugendo n’Ubugeni, Nina Walet Intallou.

Cyaranzwe no kwerekana filime mbarankuru ivuga ku rugamba ingabo zari iza FPR Inkotamyi zarwanye kugira ngo zibohore u Rwanda zinahagarike Jenoside yakorewe Abatutsi, imbyino gakondo, imivugo n’ibindi bigaruka ku butwari bwazo.

Perezida w’Ihuriro ry’Abanyarwanda baba muri Mali, Alice Gasarabwe, yavuze ko kwizihiza isabukuru y’imyaka 25 ishize u Rwanda rwibohoye ari umwanya wo kongera gutekereza ababiharaniye barimo ingabo zari iza RPF zari ziyobowe na Perezida Kagame, zimwe zikabisigamo ubuzima.

Ambasaderi w’u Rwanda muri Mali ufite icyicaro i Dakar, Dr Mathias Harebamungu, yavuze ko isanganyamatsiko uyu munsi wahawe isobanura neza agaciro u Rwanda ruha abaturage barwo.

Yavuze ko nyuma yo guhagarika Jenoside yakorewe Abatutsi ku wa 4 Nyakanga 1994 Leta yahise yimakaza ubumwe, ubwiyunge n’umutekano by’abanyarwanda.

Minisitiri Yaya Sangare wari uhagarariye Mali, yavuze ko igihugu cye gishima intambwe u Rwanda rukomeje gutera mu iterambere uyu munsi rukaba rubarwa mu bihugu byiza ku Isi.

Uyu muyobozi yavuze ko Mali yishimira umubano mwiza ifitanye na Guverinoma y’u Rwanda n’abaturage b’ibihugu byombi.

Abitabiriye umunsi wo kwibohora bafashe ifoto y'urwibutso
Ibi birori byitabiriwe n'abanyarwanda ndetse n'inshuti z'u Rwanda zitandukanye
Ambasaderi w’u Rwanda muri Mali ufite icyicaro i Dakar, Dr Mathias Harebamungu, yavuze ko isanganyamatsiko uyu munsi wahawe isobanura neza agaciro u Rwanda ruha abaturage barwo
Minisitiri Yaya Sangare wari uhagarariye Mali, yavuze ko igihugu cye gishima intambwe u Rwanda rukomeje gutera mu iterambere uyu munsi rukaba rubarwa mu bihugu byiza ku Isi
Wabaye umunsi w'ubusabane ku banyarwanda n'inshuti z'u Rwanda
Abanyarwanda bacinya akadiho bya gakondo ku munsi wo kwibohora
Wabaye umunsi w'ibyishimo ku banyarwanda baba muri Mali
Hakaswe umutsima hazirikanwa imyaka 25 ishize u Rwanda rwibohoye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza