U Buholandi: Hateguwe ikiganiro kizigirwamo uko harandurwa burundu ihakana rya Jenoside

Yanditswe na Karirima A. Ngarambe
Kuya 15 Mata 2021 saa 09:21
Yasuwe :
0 0

Ambasade y’u Rwanda mu Buholandi iri gutegura ikiganiro mbwirwaruhame ahazaganirirwa uburyo bwo guhashya ihanakana rya Jenoside yakorewe Abatutsi.

Ni ikiganiro kizaba kuwa Gatandatu tariki 17 Mata 2021, kikaba hifashishijwe ikoranabuhanga. Gifite insanganyamatsiko igira iti "Nyuma y’imyaka 27 hakozwe Jenoside yakorewe Abatutsi, twarandura dute burundu ihakana ryayo?".

Ambasaderi w’u Rwanda mu Buholandi, Olivier Nduhungirehe yabwiye IGIHE ko iki kiganiro cyari gikenewe kubera ubukana ikibazo cy’ihakana rya Jenoside kigezeho.

Yagize ati “Iki kiganiro icyo kizaba kigamije ni ukuganira ku kibazo gisigaye gikomeye cyo guhakana no gupfobya jenoside yakorewe Abatutsi, aho usanga byaratangiwe n’abasize bayikoze kandi banayiteguye, baherereye hirya no hino ku Isi, yewe hari n’abari mu gihugu imbere.”

Yakomeje agira ati “Ubu rero ikibazo cyarakuze ugisanga mu banyamakuru, Abanyamategeko, Abarimu muri za Kaminuza, Abashakashatsi n’abandi.”

Amb. Nduhungirehe yavuze ko hatumiwe abantu b’impuguke ari nabo bazatanga ibiganiro, batanga inama n’ubunararibonye ku buryo barandura Jenoside yakorewe Abatutsi.

Abazatanga ibiganiro barimo Ambasaderi Olivier Nduhungirehe, Umushinjacyaha Mukuru w’Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha, Serge Brammertz.

Hazakurikiraho impuguke zirimo Dr. Roland Moeland, Umwarimu muri Kaminuza ya Maastrict uzavuga uko bigenda ngo abantu bagere aho baba Abahakanyi cyangwa abapfobya Jenoside yakorewe Abatutsi, Mutanguha Freddy uyobora Umuryango Aegis Trust n’urwibutso rwa Kigali, akazatanga ikiganiro ku ruhare rwo kwibuka, kurwanya no kwirinda guhakana no gupfobya jenoside yakorewe Abatutsi, ikiza cyo Kwandika amateka ya jenoside mu bitabo, gutanga ubuhamya, no kumenya uko hakoreshwa neza imbuga nkoranya mbaga mu buryo bwubaka.

Hazaba hari kandi Providence Umurungi, Umuyobozi mukuru muri Minisiteri y’Ubutabera ushinzwe urwego rw’ubufatanye mpuzamahanga mu Butabera. Azatanga ikiganiro ku guca umuco wo kudahana, gutanga ubutabera, uruhare rwo gucira imanza abakoze jenoside yakorewe Abatutsi ndetse n’icyakorwa ku rwego rw’abayihakana n’abayipfobya

Hazabaho umwanya wo kuganira ku bazaba bakurikiranye ikiganiro. Bizakorwa mu rurimi rw’Icyongereza kugira ngo byumvwe neza na benshi.

Aho ikiganiro kizanyura:

Facebook

Virtual Conference: "27 Years After the Genocide Against the Tutsi: How Can We End Genocide Denial?"

YouTube

Ambasaderi Olivier Nduhungirehe ni umwe mu bazatanga ikiganiro
Umushinjacyaha Mukuru w’Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha, Serge Brammertz. na we azageza ijambo ku bitabiriye
Dr. Roland Moeland, Umwarimu muri Kaminuza ya Maastrict azavuga uko bigenda ngo abantu bagere aho baba abahakanyi cyangwa abapfobya Jenoside yakorewe Abatutsi
Umuyobozi mukuru muri Minisiteri y’Ubutabera ushinzwe urwego rw’ubufatanye mpuzamahanga mu Butabera azatanga ikiganiro ku guca umuco wo kudahana
Mutanguha Freddy uyobora Umuryango Aegis Trust n’urwibutso rwa Kigali azatanga ikiganiro ku ruhare rwo kwibuka, kurwanya no kwirinda guhakana no gupfobya jenoside yakorewe Abatutsi
Diana Mpyisi ni we uzayobora ikiganiro

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .