00:00:00 IGIHE NETWORK KN KINYARWANDA EN ENGLISH FR FRANCAIS

Ambasaderi Rwamucyo yatanze impapuro zimwemerera guhagararira u Rwanda muri Thailand

Yanditswe na Umwali Zhuri
Kuya 5 Ukwakira 2022 saa 04:02
Yasuwe :

Ambasaderi Ernest Rwamucyo yashyikirije Umwami wa Thailand, Maha Vajiralongkorn, inyandiko zimwemerera guhagararira u Rwanda muri icyo gihugu.

Vajiralongkorn ni Umwami wa Thailand kuva muri Gicurasi 2019. Ni we muhungu wenyine w’Umwami Bhumibol Adulyadej n’Umwamikazi Sirikit. Mu 1972 ubwo yari afite imyaka 20, yagizwe Igikomangoma na se.

Nyuma y’aho se atangiye ku wa 13 Ukwakira 2016, byari byitezwe ko ahita yima ingoma ariko asaba igihe cyo kubanza kunamira se mbere yo kujya ku butegetsi. Yaje kwemera kuba umwami mu ijoro ryo ku wa 1 Ukuboza 2019.

Ubutegetsi bwe bwatangiye ku wa 13 Ukwakira 2016 nubwo umuhango wo kumwimika wabaye mu 2019. Ni we muntu ukuze wimye ingoma muri Thailand kuko yagiye ku butegetsi afite imyaka 64.

Ambasaderi Rwamucyo yamushyikirije impapuro zimwemerera guhagararira u Rwanda mu gihugu, ndetse mu butumwa yanyujije ku rukuta rwe rwa Twitter yavuze ko yiteguye gukomeza gushimangira umubano w’u Rwanda na Thailand.

Ambasaderi Rwamucyo asanzwe ahagarariye u Rwanda mu Buyapani, Malaysia, Philippines na Thailand. Afite icyicaro i Tokyo mu Buyapani.

Umunyarwanda ushaka gukorera urugendo nka mukerarugendo muri Thailand asabwa Viza imara iminsi 90. Ni mu gihe umuntu wo muri Thailand ashobora kwinjira mu Rwanda asabye Viza itangirwa ku mupaka, ikamwemerera kumara mu gihugu nibura iminsi 30.

Ambasaderi Rwamucyo yashyikirije Umwami wa Thailand inyandiko zimwemerera guhagararira u Rwanda mu gihugu cye
Ambasaderi Rwamucyo yashimangiye ko yiteguye gukomeza gushimangira umubano usanzwe hagati y'ibihugu byombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .