Ibi yabigarutseho mu mwiherero w’iminsi ibiri w’Abanyamuryango ba FPR Inkotanyi batuye mu Burayi wabereye i Genève mu Busuwisi, ugasozwa tariki 2 Ukwakira 2022.

Abanyamuryango bahawe ibiganiro bitandukanye ku ntekerezo shingiro y’imiyoborere y’u Rwanda nyuma ya 1994.

Nyuma y’ikiganiro cyatanzwe na Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascène, Ambasaderi Busingye yavuze ko Ubunyarwanda bwanyuze mu nzira ndende bwatewe n’abakoloni.

Ati “Ubunyarwanda bwanyuze mu nzira ndende cyane buhindurwa, bushyirwa mu bigeragezo byinshi ariko uyu munsi tukaba tugihari nk’Abanyarwanda. Hagiye haza ibindi bintu byinshi kugeza ubwo mwabonye uko u Rwanda rw’uyu munsi rumeze.”

Ambasaderi Busingye yakomeje agira ati “Ibiganiro bya Minisitiri Bizimana ni amateka y’igihugu cyacu, aho twanyuzemo. Ubunyarwanda bwanyujijwe mu bigeragezo byinshi cyane, buriya uko yagiye abusobanura uko abakoloni babwibasiye bakabwandikaho ibyo bakeneye byose.”

Yakomeje avuga ko nubwo bwahuye n’ibigeragezo bitandukanye ariko butigeze buvaho ahubwo bwakomeye kurushaho.

Ati “Murareba aya mazu tuba turimo harimo inkingi, ubukomere bw’inkingi bushingiye ku muriro bayinyujijemo. Izi zose ziba ari inkingi z’ibyuma bikomeye cyane zanyuze mu muriro mwinshi. Ubunyarwanda bukomeye nk’ibyuma kuko bwanyuze mu muriro ubaho wose ntibwashya ngo bushyireho, ahubwo bwarakomeye nk’ibyuma. Birashoboka ko twashoboraga tuzimira burundu.”

Ambasaderi Busingye avuga ko kimwe mu byatumye Ubunyarwanda bukomera, ari FPR Inkotanyi kuko yaje ifite impinduramatwara, ifite intego kandi izi aho iganisha igihugu.

Ati “Haba abari mu gihugu, abari hanze yacyo byarashobokaga ko twari kuzimira bikarangira ariko ntabwo twazimiye. Iki ni ikintu cy’ingenzi.”

Yavuze ko FPR Inkotanyi yaje ije guhindura imitekerereze mibi ubutegetsi bwari buriho bwari bwarakwije mu Banyarwanda yo kubacamo ibice.

Ati “Icyo RPF yita impinduramatwara ntabwo ari uguhindura amatwara ya Habyarimana gusa ni uguhindura iriya ntekerezo yose bari bashyize mu Munyarwanda, bakayikwikoreza ukaba umunebwe, ugahinduka mugufi, muremure, uwirabura, inzobe, uw’amazuru ugahinduka buri kintu cyose. Iyo mpinduramatwara ifata umwanya, ikindi ni uko ariya mateka yose twanyuzemo kuza kugeza ubu ntabwo ari amateka yo mu kirere yari ari mu bantu nkatwe twese turi aha, yagizwemo uruhare n’abantu.”

Abanyamuryango ba FPR Inkotanyi bari i Burayi bitabiriye uyu mwiherero basaga 500, basabwe gukomeza Ubunyarwanda n’ibyo u Rwanda rwagezeho.

Kurikira ikiganiro Amb. Busingye yatanze uwo munsi i Genève mu Busuwisi

Ambasaderi Busingye yasabye ko abanyamuryango ba FPR Inkotanyi gukomera ku mahame n'intego by'umuryango

Minisitiri Bizimana Jean Damascene yatanze ikiganiro ku ntekerezo shingiro y’imiyoborere y’u Rwanda kuva mu 1994

Prof Nshuti yavuze ko iterambere u Rwanda rugezeho ubu nta cyarisubiza inyuma, kandi ko abashaka gusubiza igihugu mu macakubiri batazabigeraho.

Ambasaderi Rwakazina yashimiye ubwitange n'ubwitabire byagaragajwe n'abanyamuryango ba FPR Inkotanyi

Dr Richard Mihigo yashimiye nk’uhagarariye FPR Inkotanyi ku rwego rw’igihugu mu Busuwisi uko abitabiriye baje ari benshi mu mwambaro ucyeye w’umuryango

Abanyarwanda basaga 500 nibo bahuriye i Genève biga ku iterambere ry'u Rwanda

Bacinye akadiho bishimira ibyo bagezeho

Emery Rwigema atanga ibitekerezo

Abanyamuryango batanze ibitekerezo bitandukanye

Ambasaderi Sebashongore ni umwe mu batanze ibitekerezo

Mary Barikungeri atanga inama

Aimable Bayingana waturutse mu Rwanda ashimira uko bakiriwe

Wari umunsi w'ibyishimo

Umuco nyarwanda wahawe umwanya ukomeye muri uyu mwiherero

Umunyamategeko Richard Gisagara ni umwe mu batanze ikiganiro

Ambasaderi w'u Rwanda mu Bwongereza, Johnston Busingye ni umwe mu bitabiriye

Olivier Gatete atanga ikiganiro ku bijyanye n’imikoreshereze y'imbuga nkoranyambaga

Yves Cyaka wayoboye ikiganiro cy’uyu munsi

Amb. Dr Diane Gashumba atanga ibitekerezo

[email protected]