USA: Umusore n’umukunzi we bavuye mu ndege iri kugenda (Video)

Yanditswe na IGIHE
Kuya 24 Ukuboza 2020 saa 11:58
Yasuwe :
0 0

Antonio Murdock wo muri Leta Zunze Ubumwe za Amerika n’umukunzi we bagejejwe imbere y’urukiko nyuma yo gufungura urugi rw’indege bakayivamo kandi yari yatangiye kugenda yitegura guhaguruka ku kibuga cy’indege i New York.

Byabereye mu ndege y’ikigo gikora ubwikorezi bwo mu kirere cya Delta Airlines, ubwo yiteguraga guhaguruka ku kibuga cya La Guardia. Ibi byatumye iyi ndege ikererwa amasaha menshi.

Uyu mugabo ngo wari uri kumwe n’umukunzi we ndetse n’imbwa yabo ngo bafunguye urugi rusanzwe rwifashishwa mu gihe indege igize ikibazo, bayisohokamo bifashishije igikoresho gikoreshwa igihe bibaye ngombwa ko abantu bakurwa mu ndege mu buryo bwihuse kizwi nka ‘inflatable slide’.

Mu kugera hasi basanze polisi yo kuri iki kibuga cy’indege ibategereje.

Mbere yo gufungura uyu muryango, abari mu ndege babanje kubona uyu mugabo n’umukunzi we bahinduranya intebe inshuro nyinshi cyane ko iyi ndege itari irimo abagenzi buzuye.

Kubera gushyira ubuzima bwabo n’ubw’abandi mu kaga, ku wa 22 Ukuboza uyu mugabo n’umukunzi we bagejejwe imbere y’urukiko ariko mu kwiregura uyu mugabo avuga ko nta cyaha yakoze.

Mu kwiregura Murdock yagize ati “Nagize ubwoba. Nsanzwe ngira ikibazo cyo kugira ubwoba. Ni ibyo. Nta muntu nigeze mbabaza.”

Mu kwiregura Murdock yavuze imyaka 10 yamaze afunzwe kubera kwiba banki yatumye agira ihungabana ku buryo agira ikibazo cyo guhangayika no kugira ubwoba cyane.

Antonio Murdock n'umukunzi we bagejejwe imbere y'urukiko kubera kuva mu ndege igenda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .