00:00:00 IGIHE NETWORK KN KINYARWANDA EN ENGLISH FR FRANCAIS

Regragui yaganiriye n’Umwami wa Maroc nyuma yo kwegukana CAF Champions League

Yanditswe na IGIHE
Kuya 31 May 2022 saa 05:01
Yasuwe :

Umutoza wa Wydad AC, Walid Regragui, yaganiriye n’Umwami wa Maroc, Mohamed VI, kuri telefoni nyuma y’umukino iyi kipe yatsinzemo Al Ahly, ikegukana CAF Champions League.

Umukino wahuje Wydad AC na Al Ahly wabaye ku mugoroba wo ku wa Mbere, tariki ya 30 Gicurasi 2022.

Warangiye Wydad AC itsinze Al Ahly ibitego 2-0, byinjijwe na Zouhair El Moutaraji, rutahizamu w’imyaka 26 ukina aca ku ruhande asatira, ku munota wa 15 na 48.

Nyuma y’uyu mukino, Umunya-Maroc Walid Regragui utoza Wydad AC yagaragaye ari kuvugira kuri telefoni.

Umunyamakuru uri mu bakomeye muri ruhago ya Afurika, Nuhu Adams, yatangaje abinyujije ku rukuta rwe rwa Twitter ko uyu mugabo w’imyaka 46 yaganiraga n’Umwami wa Maroc, Mohamed VI.

Ikipe ya Al Ahly yatsindiwe ku mukino wa nyuma, iheruka gutwara ibikombe bibiri biheruka, yashakaga igikombe cya 11 kuko ibitse 10.

Wydad AC imaze imyaka 85 ishinzwe, ibarizwa mu Mujyi wa Casablanca muri Maroc. Yatwaye Champions League ya Afurika ku nshuro ya gatatu, kuko yaherukaga kugitsindira mu 2017 na 1992.

Nyuma yo kwegukana iki gikombe, Wydad AC yahembwe miliyoni 2.5$ nk’igihembo kuri Champions League. Kirasanga 800,000$ yahawe n’Ishyirahamwe ry’Umupira w’Amaguru muri Maroc; 100,000$ yahawe ikigera mu mikino y’amatsinda; 200,000$ ahabwa iyageze muri ½ na 500,000$ ihabwa uwageze ku mukino wa nyuma. Aya yiyongeraho, miliyoni 1$ izahabwa mu kwitabira Imikino y’Igikombe cy’Isi ihuza Ama-club ku Isi.

Indi nkuru wasoma: Wydad AC yatwaye CAF Champions League ihigitse Al Ahly (Amafoto)

Wydad AC yatwaye CAF Champions League itsinze Al Ahly ibitego 2-0
Nyuma y'uyu mukino, Umutoza wa Wydad AC, Walid Regragui, yaganiriye n’Umwami wa Maroc, Mohamed VI kuri telefoni igendanwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .