00:00:00 IGIHE NETWORK KN KINYARWANDA EN ENGLISH FR FRANCAIS

Umupilote w’Umunyarwandakazi yatumye Abanya-Kenya bacika ururondogoro

Yanditswe na Uwiduhaye Theos
Kuya 31 May 2024 saa 08:32
Yasuwe :

Umukobwa witwa Huguette Umuhoza, usanzwe ari umupilote yavugishije Abanya-Kenya amangambure kubera ikimero cye.

Umuhoza asanzwe ari mu bakobwa bakurikirwa cyane mu Rwanda kuri Instagram cyane ko abarenga ibihumbi 110 bahoza akajisho ku mafoto n’amashusho abasangiza.

Kuri ubu uyu mukobwa yavugishije Abanya-Kenya nyuma y’ifoto ye yakwirakwiye ku mbuga nkoranyambaga. Ni ifoto yashyizwe hanze n’umushoramari wo muri iki gihugu witwa Khalif Kairo bafashe bari kumwe, yanatumye abantu bashakisha andi mafoto ye.

Uyu mugabo yanditse ati “Nashyitse amahoro, izina rye ni Iggy. Umupilote w’indashyikirwa ukomoka mu Rwanda.’’

Abanya-Kenya bahise bajya ahatangirwa ibitekerezo bagaragaza ko ubwiza bwa Umuhoza Huguette burangaza umuhisi n’umugenzi.

Nk’uwitwa @CaptainDominicO yanditse ati “Baravuga ngo mbere yo gukora ubukwe ugomba kubanza gusura u Rwanda.’’

Undi yanditse ati “Wampaye nimero ye ya telefoni.’’

N’abandi benshi banditse bagaragaza ko uburanga bw’uyu mukobwa bwabashituye ku rwego ruhambaye.

Amakuru ahari agaragaza ko Huguette Umuhoza yize ibijyanye no gutwara indege mu ishuri rya ‘Africa aviation academy’ ryo muri Afurika y’Epfo.

Khalif Kairo niwe washyize hanze ifoto ari kumwe n'uyu mukobwa, bivugisha benshi
Uyu mukobwa akurikirwa na benshi ku mbuga nkoranyambaga
Ubwiza bw'uyu mukobwa burangaza abahisi n'abagenzi
Ikimero cya Umuhoza Huguette cyavugishije Abanya-Kenya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .