Umunyemari agiye guha miliyoni 9$ abamukurikira kuri Twitter kugira ngo arebe ibyishimo byabo

Yanditswe na Uwase Joie Clarisse
Kuya 10 Mutarama 2020 saa 11:47
Yasuwe :
0 0

Umunyemari wo mu Buyapani, Yusaku Maezawa, agiye gutanga miliyoni 9$ ku bantu 1000 bamukurikira ku rubuga nkoranyambaga rwa Twitter agamije kureba uburyo amafaranga azamura ibyishimo byabo.

Yusaku Maezawa, umuherwe ukora ubucuruzi bwo kuri internet, yavuze ko abamukurikira 1000 agiye kubasaranganya asaga miliyari imwe y’ama-Yen angana na miliyoni 9$, ni ukuvuga asaga gato miliyari 8.6 Frw ku buryo buri umwe azegukanamo ibihumbi 9.1$.

Kugira ngo aba bamukurikira babona aya mafaranga, basabwe gusangiza abandi iryo tangazo kuri Twitter (retweet).

Iryo tangazo yaricishije ku rubuga rwa Youtube kugira ngo arebe uko miliyoni y’ama –Yen ishobora guhindura ubuzima bw’umuntu .

Muri aya mashusho agaragaza uko bizakorwa, Maezawa yasabye abantu gukoresha amafaranga uko bashaka, banasubiza ibibazo by’uko bayakoresha.

Buri wese yasaga n’ufite amahirwe yo gutunga ku mafaranga macye avuye mu mutungo wa Maezawa. Icyo yasabwaga ni ukujya ku rubuga rwa Twitter agasangiza (retweet) itangazo ryari rikubiyemo ubu butumwa mbere ya saa sita z’ijoro zo ku wa 7 Mutarama 2020.

Abarenga miliyoni enye z’abantu bitabiriye iki gikorwa basangije ubu butumwa ku bandi mu gihe tombola ariyo izagaragaza abatsinze ndetse Maezawa we ubwe akazamenyesha abatsinze binyuze mu butumwa azaboherereza bitarenze iminsi ibiri cyangwa itatu .

Maezawa yatangaje na none ko azahamagara abanyamahirwe bose nyuma yo gutsinda kugira ngo ababaze icyo byabamariye, kandi azahamagara n’abahanga mu bijyanye n’imibereho bakamufasha gusesengura iby’ubu bushakashatsi bwe.

Uyu muherwe yatangiye gukora ibikorwa nk’ibi muri Mutarama 2019, asezeranya miliyoni 100 z’ama-Yen zingana n’ibihumbi 914$ ku bantu 100 bakoresha twitter birangira buri umwe abonye asaga ibihumbi 9$.

Icyo gihe yaciye agahigo kuko ubutumwa bwe (tweet) aribwo bwasangijwe na benshi kurusha ubundi, hakorwa retweet miliyoni 4.68.

Ikinyamakuru Forbes kigaragaza ko Maezawa afite umutungo ugera kuri milliyari 2$, ndetse akaba yiyita umuherwe ukoze mu mashanyarazi, umunya-Muziki w’injyana ya Rock n’andi mazina atandukanye.

Mu 2017 yaguze igishushango cya Jean-Michel Basquiat kuri miliyoni 111$ ndetse akaba aricyo cyatanzweho amafaranga menshi mu bishushanyo byose byatanzwe muri cyamunara byarakozwe n’Umunyabugeni wo muri Amerika.

Umunyemari Yusaku Maezawa yiyemeje guha abantu 1000 bamukurikira kuri Twitter miliyoni 9$

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .