Iki kigo cy’indege cya Leta ya Bahrain cyatangaje ko iyi mpanuka yabaye mu mpera z’icyumweru gishize, aho uyu mukozi wakiraga abantu mu ndege yagize ikibazo cy’umutima mu gihe indege yari igeze ku butumburuke bwa kilometero 10.

Nyuma yo kubona ko Yasser Saleh Al Yazidi agize ikibazo aba bapilote bahise basubika urugendo rwavaga Bahrain rujya i Paris, ahubwo basubira inyuma bagana ku kibuga cy’indege cya Iraq, gusa biza kurangira uyu musore yitabye Imana mbere yo kugezwa kwa muganga.

Mu itangazo Gulf Air yashyize hanze yihanganishije abakozi bayo bapfushije mugenzi wabo, umuryango wa Yasser ndetse n’abakiliya b’iki kigo bahungabanyijwe n’ibyabaye.

Umukozi wa ’Gulf Air’ yapfiriye mu ndege iri mu rugendo