00:00:00 IGIHE NETWORK KN KINYARWANDA EN ENGLISH FR FRANCAIS

Umuherwe w’Umuyapani agiye kujyana ku kwezi n’abahanzi umunani

Yanditswe na Bukuru JC
Kuya 9 Ukuboza 2022 saa 09:53
Yasuwe :

Yusaku Maezawa, umuherwe wo mu Buyapani yatangaje abantu umunani biganjemo abahanzi bazajyana mu rugendo ateganya kugirira ku kwezi mu 2023, mu cyogajuru cya SpaceX.

Uru rugendo rwiswe DearMoon, Maezawa yarutangaje bwa mbere mu 2018. Yabanje kuvuga ko azarujyanamo n’abahanzi bari hagati ya batandatu n’umunani gusa nyuma aza guhindura, avuga ko ubikeneye azabisaba yifashishije ikoranabuhanga.

Mu bantu yahisemo bazajyana harimo DJ akaba na Producer Steve Aoki wo muri Leta Zunze Ubumwe za Amerika, Tim Dodd uzwi cyane kuri Youtube muri Amerika, umuhanzi Yemi AD wo muri Tchèque , Umufotozi w’Umunya-Irlande Rhiannon Adam; Umufotozi wo mu Bwongereza Karim Iliya; Brendan Hall utunganya filime muri Amerika; umukinnyi wa filime wo mu Buhinde Dev Joshi n’umuraperi TOP wo muri Koreya y’Epfo.

Biteganyijwe ko aba bantu bazamara iminsi itandatu ku kwezi, aho icyogajuru kizamara iyo minsi kizenguruka kidahagarara.

Icyogajuru bazagendamo kiracyari kubakwa, gusa SpaceX yari yatangaje ko kigomba kuba cyuzuye bitarenze 2022.

Maezawa ni umuherwe ufite iguriro ry’imyenda rikomeye kuri Internet rizwi nka Zozotown. Umutungo we ubarirwa miliyari 1,7 z’amadolari.

Maezawa agiye kujya ku kwezi ari kumwe n'abahanzi umunani

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .