00:00:00 IGIHE NETWORK KN KINYARWANDA EN ENGLISH FR FRANCAIS

Umugore wo muri Brésil agiye gutandukana n’igipupe yashakanye na cyo

Yanditswe na Umutoni Rosine
Kuya 5 Mutarama 2023 saa 04:37
Yasuwe :

Umugore w’Umunya-Brésil witwa Meirivone wari warashyingiranywe n’igipupe cyiswe Marcelo, agiye gutandukana na cyo ku mpamvu z’uko ngo cyamubeshye akaza gutahura ko gifite undi mugore.

Meirivone Rocha Moraes, afite imyaka 38 y’amavuko. Yashakanye na Marcelo ku wa 18 Ukuboza 2021.

Marcelo ni igipupe cyakozwe na nyina wa Meirivone kugira ngo amufashe kuko yahoraga yinuba ko asaziye mu bugaragu kandi ko atazabona umugabo umukwiriye bazajya babyinana. Abatumirwa 250 ni bo bitabiriye ubu bukwe.

Nyuma y’igihe gito ubukwe bubabye aba bombi bakiriye umwana wabo wa mbere wahawe izina rya Marcelinho ariko na we yari igipupe.

Ububano w’uyu mugore usanzwe (ikiremwamuntu) n’umugabo we w’igipupe ugiye gushyirwaho akadomo nk’uko inkuru ya 7sur7 ibivuga.

Nyamugore avuga ko impamvu agiye gutandukana n’uwo bashakanye ari uko yamubeshye akaza kumenya ko afite undi mugore.

Ati “ Nabibwiwe n’umuntu w’inshuti wamubonye (Marcelo) yinjira muri hotel ari kumwe n’undi mugore ubwo nari ndi mu bitaro hamwe n’umwana wacu w’umuhungu. Yabanje kubihakana ariko ubwo nashakishaga muri telefone ye natahuye ibiganiro bagiranye byanyemeje ko yancaga inyuma. Yaranyinginze ngo mubabarire.”

Meirivone agiye gutandukana n'igipupe yari yarashakanye na cyo
Ubukwe bw'uyu mugore n'igipupe bwabaye mu mpera z'umwaka wa 2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .