00:00:00 IGIHE NETWORK KN KINYARWANDA EN ENGLISH FR FRANCAIS

Umuforomo wafashe ku ngufu umurwayi yitagaho wari muri koma akanamutera inda yakatiwe

Yanditswe na Rosine Ingabire
Kuya 5 Ukuboza 2021 saa 10:45
Yasuwe :

Umuforomo wo muri Leta ya Arizona muri Amerika yakatiwe gufungwa imyaka icumi azira gufata ku ngufu umurwayi yari ashinzwe kwitwaho, akanamutera inda.

Nathan Dorceus Sutherland w’imyaka 39 yakatiwe kuri uyu wa Kane. Bibaye nyuma y’uko uyu muforomo wahoze akorera Phoenix’s Hacienda Healthcare yemeye uruhare mu gufata ku ngufu no gutera inda umurwayi yari ashinzwe kwita wari muri koma.

Namara no kurekurwa, urukiko rwategetse ko azakomeza gucungirwa hafi kandi akandikwa mu bitabo byandikwamo abanyabyaha bafashe ku ngufu.

Mu mwaka wa 2018 nibwo abakozi ba Phoenix’s Hacienda Healthcare batunguwe no kubona uwo mugore wari umaze igihe aharwariye, atwite kandi atabasha kuvuga. Nyuma yaje kubyara umwana w’umuhungu.

Sutherland wari ushinzwe kwita kuri uwo murwayi hagati ya 2012 na 2018 yatawe muri yombi nyuma y’ibizamini byerekanye ko afitanye isano n’umwana wavutse.

NBC yatangaje ko Sutherland yasabye imbabazi umurwayi yateye inda n’umuryango we kubw’ibyo yabakoreye.

Umurwayi Sutherland yateye inda yari amaze imyaka 26 mu bitaro, aho yagiye nyuma yo kugira ikibazo ku bwonko no kumugara byose byaturutse ku bibazo yagize bwa mbere abyara.

Nathan Dorceus Sutherland yahamijwe gufata ku ngufu no gutera inda umurwayi yari ashinzwe kwitaho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .