00:00:00 IGIHE NETWORK KN KINYARWANDA EN ENGLISH FR FRANCAIS

Umufana wa Arsenal, umushoferi utagira permis: Ibitangaje ku buzima bw’Umwamikazi w’u Bwongereza

Yanditswe na Iradukunda Jean de Dieu
Kuya 24 January 2022 saa 06:06
Yasuwe :

Umwamikazi w’u Bwongereza, Elizabeth II ni umwe mu bantu bafite amateka akomeye ndetse n’ibintu bitangaje byagiye biranga ubuzima bwabo ariko benshi ntibabimenya.

Uyu mukecuru w’imyaka 95 amazina ye yose ni Elizabeth Alexandra Mary Windsor. Yavukiye i Mayfair mu Murwa Mukuru w’u Bwongereza, Londres, mu 1926.

Yabaye Umwamikazi w’u Bwongereza ku wa 6 Gashyantare mu 1952, nyuma yo gutabaruka kwa se.

Yimitswe afite imyaka 26: Nyuma y’urupfu rwa se umubyara George IV ku myaka 56 yishwe na kanseri y’ibihaha, Elizabeth II wari ukiri muto yahise yima ingoma ku itariki ya 6 Gashyantare 1952 kugeza na n’ubu. Ni umwanya agiye kumaraho imyaka 70.

Yemerewe gutwara imodoka nta ruhushya: Kimwe no mu bindi bihugu, gutwara imodoka mu Bwongereza bisaba kuba ubifitiye uruhushya, ariko ibi siko bimeze kuri Elizabeth II, kuko yemerewe kuyitwara nta nkomyi. Niwe wenyine uhabwa ubu burenganzira n’amategeko mu Bwongereza.

Yafashe ikanzu ku ideni: Ikanzu Umwamikazi Elizabeth II yambaye ku munsi w’ubukwe bwe yayifashe ku ideni

Ubukwe bwa Elizabeth II n’Igikomangoma Philip bwabaye mu 1947 mu gihe Ubwami bw’u Bwongereza bwari mu gihe cyo kuzahura ubukungu kubera intambara ya II y’Isi.

Ibi byatumye uyu Mwamikazi akora amasezerano y’ideni azishyurwa maze ahabwa ikanzu yambaye ku munsi w’ubukwe bwe.

Yamanukiye mu mutaka ku myaka 86: Mu 2012 Umwamikazi w’u Bwongereza yatunguye Isi ubwo yagaragaraga mu mashusho yakoreshejwe mu muhango wo gutangiza Imikino Olympique yabereye i Londres mu Bwongereza.

Muri aya mashusho, uyu Mwamikazi yagaragaye amanukira ku mutaka avuye mu ndege ari kumwe na Daniel Craig wamenyekanye muri filimi za ’James Bond.’

Yakoze ‘interview’ imwe mu buzima bwe: Bisanzwe bimenyerewe ko abayobozi bo mu nzego zo hejuru bakunze guhura n’itangazamakuru ndetse bakagirana ibiganiro bigaruka ku ngingo zitandukanye.

Kuva yakwima Ingoma, Umwamikazi Elizabeth II yakoranye ikiganiro n’abanyamakuru inshuro imwe. Aha hari muri 2018 ubwo yizihizaga isabukuru y’imyaka 92 amaze ku ngoma. Ikiganiro yagiranye na Televiziyo ya CBC.

Afana Arsenal: Arsenal ni imwe mu makipe afite abakunzi batari bake hirya no hino ku Isi, ibi biterwa n’uburyo yagiye yitwara neza mu myaka yashize. Muri aba bakunzi benshi iyi kipe ifite harimo n’Umwamikazi Elizabeth II.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .