00:00:00 IGIHE NETWORK KN KINYARWANDA EN ENGLISH FR FRANCAIS

Ukraine n’Umwamikazi Elizabeth; ingingo zavuzwe cyane kuri Google mu 2022

Yanditswe na Zigiranyirazo Bajecteur
Kuya 8 Ukuboza 2022 saa 09:29
Yasuwe :

Nk’uko ikunze kubigira muri buri mpera z’umwaka, kuri uyu wa Gatatu, Google yashyize ahabona ingingo zavuzweho kurusha izindi kuri uru rubuga aho iya Ukraine n’Umwamikazi Elizabeth II, zaganje izindi zose zashakishijwe zikavugwaho mu mwaka wose wa 2022.

Uyu mwaka icyorezo cya Covid-19 nticyagarutsweho cyane nk’uko byari byagenze mu myaka ibiri ishize bitewe n’uko ibitero u Burusiya bwagabye kuri Ukraine kuva ku wa 24 Gashyantare 2022, byahise bihinduka ingingo nshya yihariye cyane ibibera kuri Google, ingingo yasimbuwe n’izina ry’uwahoze ari Umwamikazi w’u Bwongereza, Elizabeth II nyuma yo gutanga ku wa 08 Nzeri, 2022.

Hari izindi ngingo zigaragazwa na 7Sur7 nk’izacicikanye cyane kuri Google muri 2022, zirimo izijyanye n’imihindagurikire y’ikirere, ibyerekeye ubuzima nk’ijambo “Ma Santé” aho benshi babaga bifuza kugira ibyo bamenya byerekeye ubuzima bwabo, ijambo “Wordle” ryashakishijwe n’abibazaga cyane kuri uwo mukino by’umwihariko mu Bubiligi.

Bijyanye n’ibitero byagabwe kuri Ukraine, amagambo nka “pourquoi na comment” na yo ari mu yakoreshejwe cyane kuri Google aho wasangaga benshi bibaza ku mpamvu n’uburyo ibi bitero byabayeho cyangwa bakanayakoresha bashaka gusobanukirwa ku mikorere y’ibindi bintu nk’umukino wa “Lost Ark” uzwi cyane muri Korea y’Epfo hamwe n’uwa “FIFA 23”.

Hari kandi filime zashakishijwe cyane kuri uru rubuga zirimo iyitwa Dahmer, Stranger Things na Zillion.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .