Ubushakashatsi bwagaragaje ko abarwayi ba kanseri bafite ibyago byinshi byo guhitanwa na coronavirus

Yanditswe na Bukuru JC
Kuya 3 Gicurasi 2020 saa 02:52
Yasuwe :
0 0

Ubushakashatsi bwakorewe mu kigo Montefiore Health System and Albert Einstein College of Medicine muri Leta Zunze Ubumwe za Amerika, bwagaragaje ko abantu basanzwe barwaye kanseri bafite ibyago byinshi byo guhitanwa na coronavirus mu gihe bayanduye.

Inyigo yasohotse kuri uyu wa Gatandatu tariki 2 Gicurasi mu kinyamakuru cyandika ku bushakashatsi kuri kanseri, Cancer Discovery, yakorewe ku barwayi 218 ba kanseri ariko bananduye coronavirus.

Muri abo bantu bakorewe ubushakashatsi barwaye coronavirus hagati ya tariki 18 Werurwe na 8 Mata mu mujyi wa New York, 61 bahitanywe na coronavirus, ni ukuvuga ikigero cya 28 %.

Amit Verma umwe mu bakoze ubushakashatsi yavuze ko mu gihe umurwayi wa kanseri yafashwe na coronavirus, adakwiriye gukurwa ku miti ya kanseri. Icyakora yavuze ko igikenewe cyane ari ugushaka uburyo abarwayi nk’abo bafite izindi ndwara barindwa cyane kugera aho bashobora kwandurira icyo cyorezo.

Abarwayi ba kanseri bapfuye cyane nyuma yo kwandura coronavirus ku isonga haza abarwaye kanseri zo mu maraso aho bari ku kigero cya 37 %, ku barwayi ba kanseri zifata nk’ibibyimba abapfuye ni 25 % n’abando.

Mu bindi byongereraga abo barwayi ibyago byo gupfa harimo kuba basanganywe izindi ndwara nko kuba bageze mu zabukuru, umuvuduko w’amaraso, indwara z’umutima n’indwara z’ibihaha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .