Uburyo butanu bwagufasha kubungabunga ubuzima bwo mu mutwe mu 2020

Yanditswe na Joy Monique Dukuze Umutesi
Kuya 14 Mutarama 2020 saa 03:29
Yasuwe :
0 0

Umwaka wa 2020 utangiye mu gihe hari ibibazo byugarikje Isi muri rusange, cyane cyane muri Politiki, mu mutekano ku isi hose, umubare munini w’ibyaha by’urwangano, ndetse n’ibindi bibazo bihangayikisha umuntu nk’akazi, ibijyanye n’ubuzima n’ibindi.

Nta gushidikanya abenshi mu batuye Isi barahangayitse kandi barihebye, ariko hari uburyo bwo kwitabwaho kugira ngo ubuzima bwo mu mutwe budahungabana cyane ko ubwonko bujyana n’imyitwarire y’umubiri.

1. Kwiremamo icyizere

Ubushakashatsi bwakozwe muri 2019, bugaragaza ko kwiremamo icyizere cyangwa ibyiringiro ari byiza ku buzima bw’umuntu kuko abantu bagira ibyiringiro cyangwa icyizere bafite amahirwe angana na 35% yo kuba bahura n’indwara y’umutima cyangwa bagira ihungabana ryo mu mutwe, ndetse kandi bikanabafasha kubaho kugeza ku myaka 85 kuzamura.

Umuganga w’indwara zo mu mutwe, akaba n’ Umuyobozi w’ikigo gishinzwe iby’ubuzima bwo mu mutwe, ari na we wagishinze, Richard Davidson, avuga ko ubu bushakashatsi bwakozwe bugaragaza ko hari imyitozo ishobora gufasha umuntu kwiremamo ibyiringiro.

Ni imyitozo yitwa "Best Possible Self", isaba umuntu gutekereza ko ibibazo bye byose bizaba byakemutse mu gihe kizaza, aho intego z’umuntu zose zizaba zagezweho.

Ubusanzwe 25% y’ibyiringiro umuntu aba afite abihabwa n’uturemangingo tw’umubiri we.

2. Gutangira ubukorerabushake

Mu isengesho ryitiriwe Mutagatifu François d’Assise, rigira riti “Ni mu gutanga natwe duhabwa”.

Ubushakashatsi bugaragaza ko ubukorerabushake bugabanya guhangayika no kwiheba. Bushobora kandi no kugabanya amahirwe yo kwangirika kw’imikorere y’ubwonko ndetse bunongera igihe cyo kubaho.

Ubushakashatsi kandi bugaragaza ko uko abantu batekereza ko imfashanyo yabo izagira akamaro, ni ko urugero rw’ububabare bw’umubiri rugabanuka.

3. Kumenya gushima

Mu binyejana byatambutse, twagiye twumva kenshi ibyiza byo gushima, kandi bishimangirwa na siyansi. “Kubara imigisha yacu biturinda agahinda no kwiheba, bikongera ibyiringiro.” Abanyeshuri bakora imyitozo yo gushima, baba bafite amahirwe make yo kugira imyitwarire mibi.

Abahanga bavuga ko uburyo bwiza bwo kwimika umuco wo gushima mu buzima bwacu, ari ukugira aho wandika gahunda y’umunsi. Mbere yo kuryama ugomba kwandika byibura ibihe byiza wagize kuri uwo munsi kabone n’iyo yaba ari ibihe bito.

Davidson avuga ko nibura buri gitondo na nimugoroba, ugiye wibuka ineza wagiriwe n’abantu, ukanabashimira, byagufasha kwiyubakamo ibyiringiro bikanagufasha kugira ubuzima bwiza bwo mu mutwe.

4. Kwimakaza umubano n’abandi

Ubushakashatsi bwakozwe ku bagabo bagera ku 724 bo muri Boston muri Massachusettes bakurikiranywe mu gihe cy’imyaka 75, nyuma bugakorerwa ku babakomokaho n’abagore babo bagera ku mihumbi magana abiri, bwagaragaje ko umubano mwiza n’abandi utuma umuntu agira ubuzima bwiza.

Umuhanga mu mitekerere ya muntu mu kigo cya Havard, Robert Waldinger, mu kiganiro kireba uburyo umuntu yagira ubuzima bwiza bufite intego (popular TEDx talk), yavuze ko abantu bafitanye umubano ukomeye n’imiryango yabo, inshuti, na sosiyete batuyemo, baba bishimye, bafite ubuzima bwiza kandi baramba ku Isi cyane kurusha abadafitanye umubano mwiza n’abandi.

5. Kugira intego

Abahanga bavuga ko kugira intego bituma umuntu agira ubuzima bwiza kandi burambye.

Umuhanga mu mitekerereze ya muntu muri kaminuza ya Pennsylvania, Martin Seligman, uri mu batangije ishami rishinzwe ibijyanye n’imitekerereze myiza, avuga ko bimwe mu bidufasha kugira ubuzima bwiza kandi bufite intego ari ukuba mu bintu byagutse kurusha twebwe ubwacu, ni ukuvuga nk’idini cyangwa amatsinda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza