00:00:00 IGIHE NETWORK KN KINYARWANDA EN ENGLISH FR FRANCAIS

U Bwongereza: Yakoreye ikizamini cya permis abantu 150 atarafatwa

Yanditswe na Umwali Zhuri
Kuya 12 July 2022 saa 08:04
Yasuwe :

Umugore wo muri Pays de Galles mu bwami bw’u Bwongereza yafashwe amaze gukorera ibizamini by’impushya zo gutwara ibinyabiziga, abantu basaga 150.

Hagati ya 2018 na 2020, Inderjeet Kaur w’imyaka 29 yakoreye ibizamini abasaga 150 babaga bashaka impushya zo gutwara ibinyabiziga, akabikora babanje kumwishyura.

Ni ibyaha yakoreye mu mijyi nka Swansea, Carmarthen, Birmingham ena Londres nkuko 7 sur7 yabitangaje.

Abenshi mubo Inderjeet Kaur yagiye afasha, ni ababaga bafite ibibazo byo kumva Icyongereza ari nacyo cyifashishwa mu bizamini byo gukorera impushya zo gutwara ibinyabiziga cyane cyane ibizamini by’impushya z’agateganyo.

Hari ibigo bitandukanye bikoresha ibizamini bya permis byatangiye gukeka Inderjeet Kaur, byitabaza Polisi ari nabwo yatabwaga muri yombi.

Uyu mugore yashyikirijwe urukiko araburana ibyaha biramuhama, akatirwa gufungwa amezi umunani.

Biteganyijwe ko abantu bahawe impushya zo gutwara baciye kuri Kaur, zizateshwa agaciro.

Inderjeet Kaur yafashwe amaze gukorera ibizamini abantu 150

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .