00:00:00 IGIHE NETWORK KN KINYARWANDA EN ENGLISH FR FRANCAIS

U Buhinde: Hadutse icyorezo gishya kiri kwisasira abarokotse COVID-19

Yanditswe na Muhonzire Sylvine
Kuya 25 Nyakanga 2021 saa 05:20
Yasuwe :
0 0

Mu Buhinde hagaragaye ikindi cyorezo kiri kwibasira abarokotse Covid-19 cyitwa ‘Black Fungus’, cyatangiye gufata benshi muri iki gihugu guhera muri Gicurasi 2021.

Kugeza ubu icyo cyorezo kimaze kwandura abarenga 45.000, kandi 85% byabo aba ari abarwayi ba Covid-19.

Uko barwara ni nako bapfa kuko iyi ndwara yica abayirwaye ku rugero rwa 50%. Mu Buhinde hamaze gupfa abagera ku 4300.

Iyi ndwara ya mucormycose cyangwa ‘Black Fungus’ ikunda kwibasira abantu badafite ubudahangarwa buhagije bwo kurwanya indwara, aho ikunda gufata amaso, amazuru cyangwa mu bwonko. Ibimenyetso byayo bigaragara bitewe n’urugingo yafashe.

Irangwa n’ibicurane, kuribwa umutwe, kugira umuriro, kutabona neza kuburyo ureba ikintu ukakibonamo ibintu bibiri, ijisho rikabyimba cyane, rikazamo amarira kandi rikaryana. Irangwa kandi no kuzana ibisebe ku mubiri, cyangwa udusebe tw’umukara mu kanwa. Iyi ndwara ishobora kwangiza igifu, ibihaha cyangwa amara.

Mucormycose ikunda gufata abantu bafite izindi indwara zikomeye nka diabète, cancer, cyangwa abarwaye agakoko gatera SIDA. Naho ku barwaye Covid-19, iri gufata ab’imibiri yabo yarembejwe n’iki cyorezo bamaze hagati y’iminsi 12 na 18 bayikize. Gusa ku bw’amahirwe ntabwo yandura.

Kugeza ubu iyi ndwara iri kugaragara mu Buhinde cyane, hari n’imibare mike y’abayirwaye iri kuboneka mu bihugu nka Nepal, Afghanistan, Misiri na Oman.

Impamvu iyi ndwara iri kwibasira cyane u Buhinde ni uko ubushakashatsi bwakorewe ku bayirwaye bwagaragaje ko ifata cyane abarwayi ba Diabète kandi iki gihugu akaba ari icya kabiri ku Isi mu kugira abarwayi benshi ba Diabète bangana na miliyoni 77, nyuma y’u Bushinwa bufite miliyoni 113 [imibare ya 2019].

Mbere ya Covid-19 mu Buhinde habonekaga abarwayi ba mucormycosis bagera ku 3000 cyangwa 4000 buri mwaka, gusa muri Gicurasi imibare yarazamutse cyane ku buryo Kamena yarangiye hamaze kuboneka abarwayi barenga 40,845.

Kuba imiti ivura iyi ndwara ihenda kandi iboneka gake nabyo biri mu bituma ikomeza guhitana benshi muri iki gihugu, aho doze imwe igura amadorali 95 [95.611Frw]. Kandi uyirwaye aba akeneye guterwa dose eshatu ku munsi mu gihe cy’iminsi 28. Bivuze ko kuyivuza bitwara akayabo ka miliyoni 8 Frw kugira ngo akire.

Iyi ndwara nshya ya Black Fungus iri gufata cyane abakirutse Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .