U Buhinde: Abanyeshuri bambitswe ibikarito mu maso ngo badakopera

Yanditswe na IGIHE
Kuya 20 Ukwakira 2019 saa 03:44
Yasuwe :
0 0

Ishuri ryisumbuye rya Baghat muri Leta ya Karnataka mu Buhinde ryasabye imbabazi nyuma yo kwibasirwa kuko ryambitse abanyeshuri baryo ibikarito mu maso ngo badakopera mu bizamini.

Amafoto yakwirakwijwe yagaragaje abo banyeshuri bari gukora ikizamini cy’ubutabire (Chimie) , bambaye ibikarito mu mutwe ngo badakopera.

Ibyo bikarito byari bipfumuye ku mpande ngo batabasha gukopera bagenzi babo.

Umwe mu bayobozi bo kuri icyo kigo, MB Satish avugana na BBC yasabye imbabazi kuri ako gashya yazanye kagafatwa muri rubanda nk’akagamije gukoza isoni ikiremwamuntu.

Yavuze ko ari uburyo bahisemo kwifashisha nyuma yo kumva ko hari ahandi bukoreshwa.

Yakomeje avuga ko abana bambitswe ibyo bikarito ku bushake bwabo kuko ari nabo babyizaniye.

Ati “Ntabwo twabibategetse. No mu mafoto mwabibona ko atari bose bari babyambaye. Bamwe babikuyemo hashize iminota 15 abandi babikuramo nyuma y’iminota 20.”

Bivugwa ko abayobozi bo muri ako gace bahise bihutira kugera kuri iryo shuri bamaze kubona ayo mashusho.

Ubuyobozi bw’ishuri bwabisabiye imbabazi bunavuga ko ayo mabwiriza yahise akurwaho.

Amafoto yakwirakwijwe yagaragaje abo banyeshuri bari gukora ikizamini cy’ubutabire (Chimie) , bambaye ibikarito mu mutwe ngo badakopera
Ibyo bikarito byari bipfumuye imbere ngo batabasha gukopera bagenzi babo.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza