U Bufaransa: Yakodesheje inzu ye kuri Airbnb, ikinirwamo filime z’urukozasoni atabizi

Yanditswe na Umutoni Rosine
Kuya 19 Mutarama 2020 saa 11:04
Yasuwe :
0 0

Abakodesha inzu biciye ku rubuga Airbnb ni ukurya bari menge dore ko ari ubucurzui bwageze no mu Rwanda. Ni nyuma y’aho Umugore w’i Paris mu Bufaransa, akodeshereje inzu ye ku rubuga rukodesherezwaho inzu by’igihe gito, Airbnb aza gutungurwa no kubona abayigiyemo barakiniyemo filime y’urukozasoni atabizi.

Ubusanzwe Airbnb ni urubuga rwo muri Leta Zunze Ubumwe za Amerika rukodesha inzu mu bice byose by’isi. Nta nzu bwite Airbnb igira, ahubwo abafite inzu bakodesha bazishyiraho, uzishaka akanyura kuri urwo rubuga akishyura, urwo rubuga rugahabwa amafaranga runaka nk’umukomisiyoneri.

Umugore w’imyaka 35 wo mu Bufaransa na we yabigenje atyo mu Ukuboza 2017, inzu ye iza gushimwa n’abantu bashakaga kuyibamo mu gihe cy’iminsi itanu.

Barishyuye baza kuyibamo, hashize iminsi abaturanyi baza guhamagara nyir’inzu bamubwira ko babangamiwe n’urusaku ruhora muri iyo nzu rw’abantu basa nk’abari mu bikorwa by’imibonano mpuzabitsina.

Uwo mugore yaje kubyibonera ubwo yabonaga filime y’urukozasoni kuri Internet imara iminota 50. Yaje kubona aho bakiniye iyo filime ari mu nzu ye bwite, aratungurwa.

Umugore yahise amenyesha Airbnb, ibyamubayeho inzu ihita ikurwa kuri urwo rubuga.

Nyir’inzu yahise atanga ikirego mu rukiko arega sosiyete yakoze iyo filime y’urukozasoni ariko aza gutsindwa mu rukiko rw’ibanze.

Umunyamategeko we mushya yamugiriye inama yo gutanga ikindi kirego arega umwe mu bakobwa bagaragara muri iyo filime , urubanza rukaba ruteganyijwe umwaka utaha.

Airbnb yo yamaze kwishyura impozamarira y’amayero 3740 ngo nyir’inzu abashe kugura intebe nshya, itapi no gusukura imyenda ipfuka intebe banduje.

Umunyamategeko w’uwo mugore arateganya kurega na Airbnb ngo itange izindi mpozamarira z’uburyo byamwangije mu bwonko ndetse no kuba umutungo we bwite warinjiriwe ugashyirwa ku karubanda nta burenganzira yatanze.

Airbnb yatanze impozamarira kubwo gukodesha inzu igakinirwamo filime z'urukozasoni

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .