00:00:00 IGIHE NETWORK KN KINYARWANDA EN ENGLISH FR FRANCAIS

U Bufaransa: Umusore wari umaze kwica abantu batanu bo mu muryango we yarashwe

Yanditswe na Umwali Zhuri
Kuya 20 July 2022 saa 08:36
Yasuwe :

Umusore uri mu kigero cy’imyaka 20 yarashwe n’abajandarume nyuma yo kwambura ubuzima abantu batanu bo mu muryango we barimo abana batatu.

Mu ntwaro uyu musore yari yitwaje harimo imbunda n’inkota (Katana); abajandarume batabaye mu gace yari arimo ku wa Kabiri nimugoroba.

Inkuru ya 7 sur 7.be ivuga ko aba bajandarume bagerageje kugirana ibiganiro na we ijoro ryose ariko ntibyagira icyo bitanga, icyakora yaje kuraswa bucyeye mu gitondo.

Abantu batanu bishwe ni abo mu muryango wari urimo abana badahuje ababyeyi bose, uyu musore akaba yari umwe muri bo. Basanzwe bapfiriye mu nzu nzu iherereye muri Komine ihana imbibi na Ambérieu-en-Bugey bari basanzwe babamo bakaba barayigezemo muri Nyakanga 2020 nk’uko byatangajwe na Meya wa Douvres, Christian Limousin.

Abashinzwe umutekano barimo abajandarume n’abatekinisiye bashinzwe ubugenzacyaha bari bazindukiye ahabereye icyaha.

Iri sanganya ni rimwe mu bwicanyi bwo mu miryango bukomeye mu mateka y’u Bufaransa mu myaka ya vuba aha.

Mu Ukwakira 2020, umugabo yishe umugore we, abana be babiri n’abishywa be babiri ahitwa Noisy-le-Sec.

Abajandarume batabaye mu gace kabereyemo ubwicanyi mu Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .