U Bubiligi: Umwana w’imyaka icyenda agiye kurangiza Kaminuza

Yanditswe na Ferdinand Maniraguha
Kuya 17 Ugushyingo 2019 saa 01:25
Yasuwe :
0 0

Umwana w’imyaka icyenda wo mu Bubiligi agiye guca agahigo ku kuba uwa mbere urangije Kaminuza akiri muto.

Laurent Simons azarangiza amasomo y’icyiciro cya kabiri cya Kaminuza mu bijyanye n’amashanyarazi muri Kamuniza ya Eindhoven mu Ukuboza uyu mwaka.

Uyu mwana azahita akomeza kwiga icyiciro gihanitse (Phd) mu by’amashanyarazi ari nako akomeza kwiga andi masomo ajyanye n’ubuvuzi nkuko CNN yabitangaje.

Kaminuza zikomeye ku isi zatangiye kwiyegereza uyu mwana ngo azikomerezemo amasomo ye ariko ababyeyi be , Lydia na Alexander Simons ntibaravuga aho bahitiyemo umwana wabo.

Ababyeyi be bavuze ko babonye ko umwana wabo azaba umunyabwenge hakiri kare ndetse biza no gushimangirwa n’abarimu be.

Lydia yagize ati “Batubwiye ko yafataga vuba ibyo bamubwiye. Nta kibazo yagiraga mu kumva ibyo yabwiwe. Ndakeka ko ubu agiye kwibanda ku bushakashatsi no gukoresha ubumenyi yahawe mu kuvumbura ibintu bishya.”

Uyu mwana avuka mu muryango w’abaganga ariko ababyeyi be ntirabasha gusobanura by’umwihariko icyatumye agira ubuhanga buhanitse bwo gufata mu mutwe ibyo yigishijwe.
Lydia yavuze ko icyo azi neza ari uko igihe yari amutwite yaryaga amafi menshi.

Umuyobozi ushinzwe iby’amashnayarazi muri Kaminuza Laurent yigagamo, Sjoerd Hulshof yavuze ko uwo mwana ari igitangaza.

Ati “Laurent ni umunyeshuri wa mbere unyaruka mu gufata mu mutwe tugize hano. Si iby’ubwenge gusa ahubwo ni n’umwana wiyoroshya.”

Yavuze ko Kaminuza yamufashije kwihutisha amasomo kubera ko basanze ubuhanga afite budasanzwe.

Laurent avuga ko ashaka gukomeza kwihugura akazabasha kujya akora insimburangingo z’umubiri.

Laurent agiye kurangiza kaminuza afite imyaka icyenda
Ababyeyi ba Laurent bavuga ko bamubonyemo impano yo gufata vuba hakiri kare

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza