Izi Quran nto zibarirwa mu magana zashyizwe ku birahuri by’imodoka zari ziparitse mu bice bitandukanye by’uyu mujyi, nk’uko byatangajwe n’ibiro ntaramakuru by’Ababiligi, Belga.

Ibi bitabo kandi byoherejwe mu dusanduku twakirirwamo ubutumwa [mailbox] no mu nsengero z’Abayahudi [synagogue].

Hari amakuru avuga ko Abayisilamu ari bo bashyize ibi bitabo kuri izi modoka nyuma yo gusenga, ndetse bamwe bavuga ko ari igikorwa cyiza ariko hari n’abandi zabangamiye.

Abaturage babangamiwe n’iki gikorwa mu bice irimo Droixhe, Coronmeuse, Bressoux, Longdoz, Outremeuse, batabaje Polisi.

Amashusho ya Camera z’umutekano yagaragaje abantu babiri bashyiraga Quran ku modoka. Ubusesenguzi bwakozwe bwagaragaje ko batigeze bakora ibikorwa by’ubugome.
Imodoka byagaragaye ko yifashishijwe mu gukwirakwiza Quran, yagaragaye ku gicamunsi cyo kuri uyu wa 19 Mata, ijya mu Budage.

Izi Kuran zagaragaye imbere ku birahuri by'imodoka