Tunisia: Umudepite yagejejwe mu rukiko azira kwikinisha

Yanditswe na Umutoni Rosine
Kuya 15 Ukwakira 2019 saa 12:17
Yasuwe :
0 0

Umwe mu badepite baherutse gutorwa muri Tunisia yagejejwe mu rukiko nyuma y’amashusho yakwirakwiye amugaragaza yikinishiriza imbere y’ishuri.

Zouheir Makhlouf, umuyoboke w’ishyaka Qalb Tounes yatowe nk’umudepite uhagarariye umujyi wa Nabeul mu matora aherutse kuba mu ntangiriro z’Ukwakira.

Mu kwisobanura imbere y’urukiko kuri uyu wa Mbere, yavuze ko arwaye indwara ya diyabete bityo amashusho yasakajwe yafashwe ubwo yari arimo kwihagarika mu icupa, nkuko BBC yabitangaje.

Gukwirakwizwa kw’ayo mashusho ku mbuga nkoranyambaga, kwatumye hatangizwa ubukanguramba bwiswe Ena-Zeda (bivuze ngo: Nanjye), aho abagore bo muri Tunisia bagiye bagaragaza ihohoterwa rishingiye ku gitsina bagiye bakorerwa.

Bivugwa ko ayo mashusho agaragaza Makhlouf yikinisha yafashwe n’umuntu w’igitsinagore.

Ishyaka Qalb Tounes ryatangaje ko ryatangiye gukora iperereza kuri ayo mashusho arimo umudepite waryo, risaba abaturage kwirinda gukomeza kumusebya atarahamwa n’icyaha.

Mu kwisobanura imbere y’urukiko kuri uyu wa Mbere, yavuze ko arwaye indwara ya diyabete bityo amashusho yasakajwe yafashwe ubwo yari arimo kwihagarika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza